Éndrin

Ti Wikipédia, énsiklopédia bébas
Luncat ka: pituduh, sungsi
Wangun molekul éndrin.

Éndrin nyaéta organoklorida nu utamana dipaké salaku inséktisida jeung rodéntisida. Wujud ieu jat kimia téh padet, teu bau, teu warnaan, najan nu jualeun mah kelirna sok bodas pias. Ieu sanyawa jadi teu kapaké kusabab jadi polutan organik persistén, samalah nepi ka dicaramna di sababaraha nagara[1][2].

Produksi jeung guna[édit | sunting sumber]

Éndrin dijieun dina sababaraha hambalan tina héksaklorosiklopéntadiéna[2]. Adisi Diels-Alder asétilén ngahasilkeun isomér héksakloronorbornadiéna. Ieu sanyawa ngalaman adisi Diels-Alder kadua jeung siklopéntadiéna, ngahasilkeun derivatif polisiklik nu ngalaman époksidasi jadi éndrin. Éndrin téh stéréoisomér diéldrin.

Éndrin lolobana (kira 80%) disemprotkeun di kebon kapas pikeun ngabasmi hama serangga, tapi ogé dipaké di sawah, kebon tiwu, bako, jeung sababaraha nu lianna. Kadang éndrin dipaké ogé di kebon bungbuahan pikeun ngusir rodénsia ku cara nyemprotkeun kana taneuhna dina usum gugur atawa usum panas.

Masalah lingkungan[édit | sunting sumber]

Éndrin mimiti dicaram dina Kasapukan Stockholm. Sakumaha péstisida organoklorida lianna, ieu jat téh lipofilik, ku kituna bisa ngagunduk dina jaringan lemak organismeu anu hirup dina cai. Cenah satengah umur éndrin dina taneuh leuwih ti sapuluh taun.

Kasalametan[édit | sunting sumber]

Éndrin téh toksik kalawan LD50 17,8 jeung 7,5 mg/kg (oral, beurit). Mun manusa karacunan éndrin akut, biasana mangaruhan sistem saraf. Dahareun anu kakotoran ku éndrin bisa bahya, utamana pikeun barudak[1]. Mun kateureuy, éndrin kapiceun dina tai[3]. Éndrin toksik pisan pikeun lauk, invertebrata cai, jeung fitoplangton.

Rujukan[édit | sunting sumber]

  1. a b "Poison Control: Dangers of 'persistent organic pollutants' in the environment." [1]
  2. a b Robert L. Metcalf “Insect Control” in Ullmann’s Encyclopedia of Industrial Chemistry” Wiley-VCH, Weinheim, 2002. doi:10.1002/14356007.a14_263
  3. WHO report: 1970 Evaluations of some pesticide residues in food. 1970

Baca ogé[édit | sunting sumber]