Énkripsi

Ti Wikipédia, énsiklopédia bébas basa Sunda
Luncat ka: pituduh, sungsi
Gambar:Enkripsi.PNG
Sacara singget, prosés énkripsi nyaéta prosés ngarobah naskah écés jadi naskah disandikeun.

Dina widang kriptografi, énkripsi nyaéta prosés ngamankeun hiji informasi ku cara ngajadikeun informasi kasebut henteu bisa dibaca tanpa bantuan pangaweruh husus. Lantaran énkripsi geus dipaké pikeun ngamankeun komunikasi di réa nagara, ngan organisasi-organisasi nu tangtu sarta individu anu ngabogaan kapentingan nu pohara ngadesek ngeunaan karusiah nu ngagunakeun énkripsi téh. Di patengahan taun 1970-an, énkripsi nu beurat dimangpaatkeun pikeun pangamanan ku sekertariat agen pamaréntah Amérika Sarikat dina domain public Kiwari énkripsi geus dipaké dina rupa-rupa sistem, kawas Internet e-commerce, jaringa telepon mobil sarta ATM pikeun bank.

Énkripsi bisa dipaké pikeun tujuan kaamanan, tapi téknik séjén masih diperlukeun pikeun nyieun komunikasi anu aman, utamana pikeun mastikeun integritas (keutuhan) sarta autentikasi (kaaslian) hiji talatah. Contona, Message Authentication Code (MAC) atawa digital signature.

Cipher[édit | sunting sumber]

cipher nyaéta hiji algoritma pikeun mintonkeun énkripsi sarta kabalikanana dekripsi, mangrupa saruntuyan undakan léngkah anu ditetepkeun nu kudu dituturkeun minangka prosedur. Alternatif séjén nyaéta encipherment. Informasi anu asli disebut sabagé plaintext, sarta wangun anu geus diénkripsi disebut sabagé chiphertext. Talatah chipertext téh eusina sakumna informasi tina talatah plaintext, tapi henteu dina format anu teu bisa dibaca manusa atawa komputer tanpa ngagunakeun mékasnisme anu pas pikeun macana (ngalakonan dékripsi).

Sajaba ti infoprmasi utama, cipher ilaharna ngabogaan paraméter anu disebut konci. Prosedur énkripsi pohara rupa-rupa gumantung kana konc. Tanpa ngagunakeun konci, chiper henteu bisa dipaké pikeun énkirpsi atawa dekripsi.

Cipher versus kode[édit | sunting sumber]

Dina pamakéan non téknis, hiji kode rusiah (secret code) mangrupa hal anu sarua jeung cipher. Dumasar kana sawala sacara téknis, sanajan kumaha ogé, kode jeung cipher dijelaskeun ku dua konsép nu béda. Kode dijieun dina tingkat pamahaman, nyaéta kecap atawa frasa dirobah jadi hiji hal anu séjén. Sedengkeun Cipher dijieun dina tingkat anu leuwih pondok, nyaéta dina tingkat hurup atawa sakumpulan hurup, dina cara modéren mah malah dina unggal-unggal bit. Sawatara sistem ngagunakeun boh kode boh cipher dina sistem anu sarua nu disebut ogé superencipherment pikeun ngaronjatkeun kaamanan.

Nurutkeun sajarahna, kriptografi dipisah dumasar dikotomi kode jeung cipher, sarta pamakéan kode ngabogaan terminologi sorangan, hal anu sarua ogé ogé lumangsung pikeun cipher: "encoding, codetext, decoding" jeung sajabana. Sanajan kumaha ogé, kode mah gampang kabuka ku sagala rupa cara kaasup ku kriptoanalisis sarta hésé pikeun ngokolakeun daptar kode anu rumit. Ku alatan éta, code henteu deui dipaké dina kriptografi modéren, sarta cipher jadi téknik anu leuwih dominan.

Wanda-wanda cipher[édit | sunting sumber]

Aya réa pisan wanda énkripsi. Algoritma anu dipaké dina awal sajarah kriptografi geus pohara béda jeung padika modéren. Cipher modéren digolongkeun dumasar kana kumaha cipher kasebut dijalankeun sarta naha ngagunakeun hiji atawa dua konci. [[Berkas:Cipher-taxonomy-id.png|right|Taksonomi cipher]]

Sajarah Cipher mangsi jeung dina jaman baheula mindeng disebut sabage cipher klasik. Cipher klasik kaasup ogé cipher gaganti sarta cipher transposisi. Dina awal abad 20, mesin-mesin anu leuwih mutahir dipaké pikeun kapentingan énkripsi, mesin rotor, mangrupa skéma munggaran anu leuwih kompléks.

Padika énkripsi dibagi kana algoritma symmetric key jeung algoritma asymmetric key. Dina algoritma symmetric key (contona, DES jeung AES), pangirim jeung panarima kudu ngabogaan konci anu dipaké babarengan sarta dijaga karusiahanana. Pangirim maké konci ieu pikeun énkripsi sarta panarima ngagunakeun konci anu sarua pikeun dekripsi. Dina algoritma asymmetric key (contona, RSA), aya dua konci nu béda, hiji public key nu dipedar sarta ngabeunangkeun saha waé pangirimna pikeun ngalakonan énkripsi, sedengkeun hiji deui private key dijaga karusiahanana ku panarima sarta dipaké pikeun ngalakonan dekripsi.

Cipher symmetric key bisa dibédakeun kana dua wanda, gumantung kana kumaha cipher kasebut dijalankeun dina blok simbol naha dina ukuran anu tetep (block ciphers), atawa dina aliran simbol nu mayeng (stream ciphers).

Tempo ogé[édit | sunting sumber]

Tumbu kaluar[édit | sunting sumber]