2 Pallas

Ti Wikipédia, énsiklopédia bébas basa Sunda
Luncat ka: pituduh, sungsi
astéroid Pallas

Pallas nya éta astéroid badag anu perenahna aya di Beubeur astéroid sistem tata surya sarta mangrupa astéroid ka-2 anu kapanggih. [1] Kapanggih sarta dingaranan ku astronom Heinrich Wilhelm Matthaus Olbers ping 28 Maret 1802. [1] Pallas mangrupa salah sahiji ti 4 astéroid badag (1 Ceres, 4 Vesta, 10 Hygiea, sarta Pallas). [1] Asteroid badag kasebut teu kaasup 704 Interamnia.[1] Pallas ukuranana sarua kawas 4 Vesta.[1] Ngaran Dewi Yunani Pallas Athena ieu pisan anu dibikeun pikeun astéroid anu aya di Beubeur utama astéroid di antara Jupiter sarta Mars. [2] Obyek masif kasebut kaitung unik sabab orbitanna béda ti astéroid séjénna sarta ngabogaan sudut déngdék luhur. [2] Loba hal metot anu baris ditalungtik ngaliwatan wangwangan anu dibikeun Hubble kawas, kumaha bentukna, kumaha kaayaan dadasarna, naha manéhna ngabogaan kawah badag alatan tabrakan, atawa naha Pallas ngabogaan topografi anu husus.[2] Kalayan wangwangan anu dihasilkeun Hubble, Schmidt saparakanca bisa ngalakonan itungan pikeun nyaho ukuran sarta wangun éta astéroid. [2] Kaungkab ogé lamun dadasar Pallas ngabogaan rohangan poék sarta caang anu nyirikeun obyek kalayan kelimpahan cai éta geus ngaliwatan parobahan internal kawas anu dialaman planét umumna.[2] Pallas tétéla lain saukur batuan badag anu kabentuk ti silikat hidrat sarta és.[2]

Rujukan[édit | sunting sumber]

  1. a b c d e (id)5 Asteroid paling terkenal di Tata Surya (diaksés tanggal 3 Desember 2011)
  2. a b c d e f (id)Asteroid Pallas ternyata Ciukal Bakal Planet (diaksés tanggal 3 Desember 2011)
Nulis.jpg