4G

Ti Wikipédia, énsiklopédia bébas
Luncat ka: pituduh, sungsi
Standar
telepon mobil jeung data
Kulawarga GSM / UMTS
2G
3G
Pre-4G
Kulawarga cdmaOne / CDMA2000
2G
3G
Pre-4G
Tehnologi sejen
0G
1G
2G
Pre-4G
Pita frékuénsi

4G (singketan tina istilah basa Inggris: fourth-generation technology) nyaéta istilah ieu umumna dipaké ngarujuk kana téknologi telepon sélulér. 4G dimekarkeun tina téknologi 3G. Ngaran resmi téknologi 4G ieu nurutkeun IEEE Institute of Electrical and Electronics Engineers (IEEE) nyaéta "3G and beyond".

Sajarah[édit | sunting sumber]

Mekarna téknologi tanpa kabel bisa diringkes saperti kieu:

  • Generasi kahiji: ampir sakumna sistem dina generasi ieu mangrupa sistem analog, utamana dimaksudkeun pikeun ngirimkeun sinyal sora. Contona: Nordic Mobile Telephone (NMT) sarta Analog Mobile Phone System (AMPS).
  • Generasi kadua: dijadikeun standar komérsial kalawan format digital, sajaba ti ngirimkeun sora, oge mampuh dipaké komunikasi data. Contona: GSM jeung CDMA2000 1xrtt.
  • Generasi katilu: digital, sanggup ngirimkeun data kalawan laju nu leuwih gancang (high-speed) sarta nawarkeun aplikasi multimedia, pikeun pitarubak (broadband). Conto: W-cdma (atawa katelah ogé UMTS) sarta CDMA2000 1xev-do.

Antara generasi kadua jeung generasi katilu, mindeng diselapkeun Generasi 2,5 nyaéta téknologi sélulér digital, nu laju pangiriman datana nepi ka 150 Kbps. Téknologi anu asup kategori 2,5 G nyaéta layanan nu dumasar kana data kawas GPRS (General Packet Radio Service) jeung EDGE (Enhance Data rate for GSM Evolution) dina dunya GSM sarta PDN (Packet Data Network) dina dunya CDMA. 4G mangrupa pamekaran tina téknologi 3G. Ngaran resmi ti téknologi 4G ieu nurutkeun IEEE (Institute of Electrical and Electronics Engineers) nyaéta "3G and beyond". Saméméh 4G, High-speed Downlink Packet Access (HSDPA) anu kadangkala disebut téknologi 3,5G geus dimekarkeun. HSDPA nyaéta hiji protokol telepon sélulér anu méré jalur évolusi pikeun jaringan Universal Mobile Telecommunications System (UMTS) anu baris nyadiakeun kapasitas data anu leuwih gedé (nepi ka 14,4 Mbit/detik arah turun).

Définisi[édit | sunting sumber]

Sistem 4G bakalan nyadiakeun solusi IP anu kompréhénsif di mana sora, data, sarta gambar multimédia bisa nepi ka pamaké iraha waé sarta di mana waé, dina laju data rata-rata leuwih gancang batan generasi saméméhna. Tacan aya définisi formal pikeun 4G. Kumaha ogé, aya sawatara pamadegan anu ditujukeun pikeun 4G, nyaéta: 4G baris mangrupa sistem nu dumasar IP nu terintegrasi sagemblengna. Hal ieu baris dihontal sanggeus téknologi kabel sarta nirkabel bisa dikonversikeun sarta sanggup ngahasilkeun laju data 100Mb/detik sarta 1Gb/detik boh dina jero rohangan boh di luar sarta nawarkeun kualitas prémium sarta kaamanan nu alus. 4G baris nawarkeun sagala rupa layanan jeung harga anu kahontal. Saban handset 4G baris langsung miboga nomer IP v6 dilengkepan ku kamampuh pikeun interaksi internet telephony anu dumasar kana Session Initiation Protocol (SIP). Kabéh wanda transmisi radio kawas GSM, TDMA, EDGE, CDMA 2G, 2.5G bakal dipaké, sarta bisa diintegrasikeun kalawan gampang ku cara maké radio anu dijalankeun tanpa lisénsi kawas IEEE 802.11 dina frékuénsi 2.4GHZ & 5-5.8Ghz, bluetooth sarta sélulér. Integrasi sora sarta data dina kanal anu sarua. Integrasi sora sarta aplikasi data SIP-ENABLED.

Téknologi 4G di Indonésia[édit | sunting sumber]

Sacara basajan, bisa dihartikeun yén téknologi 1G nyaéta telepon analog / PSTN anu ngagunakeun téknologi sélulér. Samentara téknologi 2G, 2.5G, sarta 3G mangrupa ISDN. Indonésia sacara umum kiwari geus asup kana tahap 2.5G. Patula-patali jeung téknologi 4G, SIP nyaéta protokol inti dina internét teleponi http://www.iptel.org anu mangrupa évolusi mutahir tina Voice over Internet Protocol atawa Telephony over Internet Protocol. Téknologi kasebut réa dipadungdengkeun ku para operator, pamaréntah sarta DPR kadieunakeun. Henteu lila deui internét teleponi baris jadi tulang tonggong utama infrastruktur telekomunikasi. Dina téknologi SIP nu aya dina 4G, nomer telepon PSTN bakal ngarupakeun bagian leutik tina idéntitas atawa idéntifikasi telepon. Téknologi 4G ogé baris ngabalukarkeun mundurna téknologi Inernet Network (IN) anu ayeuna mangrupa infrastruktur telekomunikasi anu dipaké ku satiap provider telekomunikasi.

Tumbu luar[édit | sunting sumber]

Catetan suku[édit | sunting sumber]