Ahmadun Yosi Herfanda

Ti Wikipédia, énsiklopédia bébas
Luncat ka: pituduh, sungsi
Ahmadun Yosi Herfanda dina salasahiji acara

Ahmadun Yosi Herfanda atawa leuwih kasohor ku sebutan Ahmadun Y. Herfanda atawa Ahmadun YH nya éta salasahiji sastrawan Indonesia.[1] Lahir di Kaliwungu Kabupatén Kendal Jawa Tengah tanggal 17 Januari 1958.[1] Karya-karyana ngawengku rupa-rupa wangun tulisan saperti puisi, cerpén, jeung éséi nu dipublikasikeun di sawatara média sastra jeung antologi puisi nu medal di jero jeung luar nagri.[1] Éta média téh diantarana waé Horison, Ulumul Qur'an, Kompas, Media Indonesia, Republika, Bahana (Brunei), antologi puisi Secreets Need Words (Ohio University, A.S., 2001), Waves of Wonder (The International Library of Poetry, Maryland, A.S., 2002), jurnal Indonesia and The Malay World (London, Inggris, Nopember 1998), The Poets’ Chant (The Literary Section, Committee of The Istiqlal Festival II, Jakarta, 1995).[1]
Sajak-sajakna mindeng dibahas dina "Sajak-Sajak Bulan Ini Radio Suara Jerman" (Deutsche Welle).[1] Cerpenna, "Sebutir Kepala dan Seekor Kucing", meunang salasahiji panglélér dina Sayembara Cerpen Kincir Emas 1988 Radio Nederland (Walanda) tur dibukukeun dina Paradoks Kilas Balik (Radio Nederland, 1989).[1] Taun 1997 Ahmadun meunangkeun panglélér dina Peraduan Puisi Islam MABIMS (forum informal Menteri Agama Brunei, Indonesia, Malaysia, jeung Singapura).[1]
Nalika jadi mahasiswa Ahmadun geus aktif jadi editor jeung jurnalis.[2] Dimimitian ti Harian Kedaulatan Rakyat Yogyakarta (1983-1999), Majalah Sarinah (bareng jeung Korrie Layun Rampan, 1992-1993), nu pamungkas di Harian Republika Jakarta (1993-2010).
Sanggeus 17 taun jadi wartawan (kalawan inisial ayh) jeung rédaktur sastra Harian Républika, ti mimiti Maret 2010 Ahmadun leuwih aktif salaku ketua Komite Sastra Dewan Kesenian Jakarta (DKJ) pikeun periode 2010-2013.[2] Alumnus FPBS IKIP Yogyakarta ieu nganggeuskeun S-2 jurusan Magister Teknologi Informasi di Universitas Paramadina Mulia, Jakarta, 2005.[2] Kungsi jadi Ketua III Himpunan Sarjana Kesastraan Indonesia (HISKI, 1993-1995), jeung ketua Presidium Komunitas Sastra Indonesia (KSI, 1999-2002).[2] Taun 2003 bareng jeung cerpenis Hudan Hidayat jeung Maman S Mahayana nyieun Creative Writing Institute (CWI).[2] Taun 2008 dipercaya jadi Ketua Umum Komunitas Sastra Indonesia (KSI).[2] Taun 2010 bareng jeung sajumlahing sastrawan Jakarta nyieun Yayasan Sastra Indonesia.[2]

Karya-karyana[édit | sunting sumber]

Sawatara buku karya Ahmadun nu medal ti mimiti taun 1980-an di antarana:

  1. Ladang Hijau (Eska Publishing, 1980).[1]
  2. Sang Matahari (kumpulan puisi, bareng jeung Ragil Suwarna Pragolapati, Nusa Indah, Ende, 1984).[1]
  3. Syair Istirah (bareng jeung Emha Ainun Nadjib jeung Suminto A. Sayuti, Masyarakat Poetika Indonesia, 1986).[1]
  4. Sajak Penari (kumpulan puisi, Masyarakat Poetika Indonesia, 1990).[1]
  5. Sebelum Tertawa Dilarang (kumpulan cerpen, Balai Pustaka, 1997).[1]
  6. Fragmen-fragmen Kekalahan (kumpulan sajak, Forum Sastra Bandung, 1997).[1]
  7. Sembahyang Rumputan (kumpulan puisi, Bentang Budaya, 1997).[1]
  8. Ciuman Pertama untuk Tuhan (kumpulan puisi, bilingual, Logung Pustaka, 2004).[1]
  9. Sebutir Kepala dan Seekor Kucing (kumpulan cerpen, Bening Publishing, 2004).[1]
  10. Badai Laut Biru (kumpulan cerpen, Senayan Abadi Publishing, 2004).[1]
  11. The Warshipping Grass (kumpulan puisi bilingual, Bening Publishing, 2005).[1]
  12. Resonansi Indonesia (kumpulan sajak sosial, Jakarta Publishing House, 2006).[1]


Referensi[édit | sunting sumber]

  1. a b c d e f g h i j k l m n o p q r s Herfanda (Diakses tanggal 15 Nopember 2011) (en)
  2. a b c d e f g Herfanda, Ahmadun Yosi. 2004. Sebutir Kepala dan Seekor Kucing. Jakarta: Bening Publishing. (id)


Replace this image male.svg