Al Infithor

Ti Wikipédia, énsiklopédia bébas
Luncat ka: pituduh, sungsi
Al Infithor
Informasi
Harti Kabeulah
Golongan Makkiyah
Surah ka 82
Juz Juz 30
Statistik
Jumlah ruku' 1 ruku'
Jumlah ayat 19 ayat

Al Infithor (basa Arab:الانفطار) nyaéta surat ka-82 dina al Qur'an. Surat ieu diwangun ku 19 ayat, kaasup golongan surat Makkiyah sarta diturunkeun sanggeus surah An Nazi'at. Al Infithor anu dijadikeun ngaran pikeun surat ieu téh kecap asal tina kecap Infathorot (kabeulah) anu aya dina ayat kahiji.

Poko-poko eusi[édit | sunting sumber]

Kajadian-kajadian anu lumangsung dina poé kiamat; pangwawadi ka manusa ambéh henteu katipu sahingga doraka ka Alloh; ayana malaikat anu sok ngajaga sarta nyatet sagala amal gawé manusa; dina poé kiamat manusa teu bisa nulungan batur; ngan kakawasaan Allah waé anu lumaku dina waktu éta.

Eusi jeung Tarjamah[édit | sunting sumber]

Ayat ka Tulisan Arab Tarjamah basa Sunda
1.
إِذَا ٱلسَّمَآءُ ٱنفَطَرَتۡ
Upama langit geus bareulah.
2.
وَإِذَا ٱلۡكَوَاكِبُ ٱنتَثَرَتۡ
Jeung upama béntang-béntang geus muruluk.
3.
وَإِذَا ٱلۡبِحَارُ فُجِّرَتۡ
Jeung upama laut geus mudal.
4.
وَإِذَا ٱلۡقُبُورُ بُعۡثِرَتۡ
Jeung upama pangeusi kubur geus dibudalkeun.
5.
عَلِمَتۡ نَفۡسٌ۬ مَّا قَدَّمَتۡ وَأَخَّرَتۡ
Saban jiwa baris nyaho kana anu geus dilampahkeun jeung ditinggalkeun.
6.
يَـٰٓأَيُّہَا ٱلۡإِنسَـٰنُ مَا غَرَّكَ بِرَبِّكَ ٱلۡڪَرِيمِ
Yeuh manusa! Naon anu geus macikeuh manéh (pangna nepi ka wangkelang) ka Pangéran manéh Nu Maha Mulya.
7.
ٱلَّذِى خَلَقَكَ فَسَوَّٮٰكَ فَعَدَلَكَ
Anu geus ngayugakeun manéh sarta anu geus nyampurnakeun mapantes dedeg-pangadeg manéh.
8.
فِىٓ أَىِّ صُورَةٍ۬ مَّا شَآءَ رَكَّبَكَ
Dina rupa kumaha waé ogé Anjeunna kawasa nyusun dedeg pangadeg manéh.
9.
كَلَّا بَلۡ تُكَذِّبُونَ بِٱلدِّينِ
Lain ngan kitu wungkul! Malah maranéh ingkar kana ayana poé wawales.
10.
وَإِنَّ عَلَيۡكُمۡ لَحَـٰفِظِينَ
Padahal saéstuna pikeun maranéh aya (malaikat-malaikat) nu ngajaga.
11.
كِرَامً۬ا كَـٰتِبِينَ
(Malaikat-malaikat) nu mulya, nu narulis (amal maranéh).
12.
يَعۡلَمُونَ مَا تَفۡعَلُونَ
Anu nyarahoeun kana saniskara nu dilampahkeun ku maranéh.
13.
إِنَّ ٱلۡأَبۡرَارَ لَفِى نَعِيمٍ۬
Saéstuna jelema-jelema anu balageur pasti aya dina kanikmatan.
14.
وَإِنَّ ٱلۡفُجَّارَ لَفِى جَحِيمٍ۬
Jeung saéstuna jalma-jalma anu jarahat pasti aya dina naraka Jahim.
15.
يَصۡلَوۡنَہَا يَوۡمَ ٱلدِّينِ
Maranéhna baris arasup ka dinya dina poé wawales.
16.
وَمَا هُمۡ عَنۡہَا بِغَآٮِٕبِينَ
Sarta maranéhna moal bisa luput deui ti dinya.
17.
وَمَآ أَدۡرَٮٰكَ مَا يَوۡمُ ٱلدِّينِ
Jeung naha manéh nyaho naon anu disebut poé wawales?
18.
ثُمَّ مَآ أَدۡرَٮٰكَ مَا يَوۡمُ ٱلدِّينِ
Sarta naha manéh nyaho naon anu disebut poé wawales?
19.
يَوۡمَ لَا تَمۡلِكُ نَفۡسٌ۬ لِّنَفۡسٍ۬ شَيۡـًٔ۬ا‌ۖ وَٱلۡأَمۡرُ يَوۡمَٮِٕذٍ۬ لِّلَّهِ
Poéan nalika saha baé ogé taya anu bisa nulungan ka saha-saha saeutik ogé; jeung sagala perkara dina poé éta téh kagungan Alloh.

Rujukan[édit | sunting sumber]

Wikisource logo
Wikisource mibanda média séjénna nu patali jeung artikel ieu dina kaca
  1. Al-Amin Al-Quran Tarjamah Sunda ku K.H. Qamaruddin Shaleh, C.V. Penerbit Diponegoro, Bandung, 2003.
  2. Al Quran dan Terjemahnya, Departemen agama, C.V. Toha Putra, Semarang, 1971.
Surat sateuacanna:
At Takwir
Surat 82 Surat saparantosna:
Al Muthoffifin
Al Qur'an

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114

Kotak ieu: temposawalaédit