Ali agrem

Ti Wikipédia Sunda, énsiklopédi bébas
(dialihkeun ti Ali Agrem)

Ali agrem nyaéta salah sahiji kuéh tradisional Sunda nu asalna ti Karawang.[1][2] Saliwat ma bentukna téh ciga donat, nga leuwih leutik. Kuéh ieu disebut ali agrem ku sabab bentukna nu ciga ali. Dijieun tina adonan béas jeung santen sarta gula kawung (gula arén). Bentukna buleud, tengahna bolong kawas ali (cingcin).[2] Gedéna méh sarua jeung kuéh donat (rada leuwih leutik).[2] Rasana méh sarua jeung kuéh cuhcur jeung kuéh burayot.[2] Ni'mat saupama diopi atawa dicaneut jeung cikopi atawa cientéh haneut.[2]

Kuéh ali agrem ieu bisa dibeuli di pasar atawa warung-warung di lembur mah sok loba kénéh nu ngajualan ali agrem.[1] Salah sahji Desa nu masarakatna sok nyieunan ali agrem téh aya di Desa Lemahmukti Karawang, di dieu pangrajin kuéh ali agrem masih maké resep ma icih.[1]

Pikeun nyieun ali agrem téh bahan-bahanna mah teu beda jauh jeung nyieun burayot.[1] Campurkeun tipung béas, kalapa parud, gula beureum jeung cai, caian nepi ka adonan bisa dibentuk, geus kitu kari ngabuleud-buleud tuluy bolongan tengahna.[1] Mun sakirana geus anggeus, karék goréng diminyak nu geus dipanaskeun.[1]

Rujukan[édit | édit sumber]

  1. a b c d e f "Ali Agrem Khas Karawang | Dinas Perhubungan". dishubkominfo.karawangkab.go.id. Diakses tanggal 2017-10-10.  Archived 2017-09-06 di Wayback Machine
  2. a b c d e Ensiklopedi Sunda: Alam, Manusia, Budaya (Rosidi, dkk: 2000)