Anabolisme

Ti Wikipédia, énsiklopédia bébas basa Sunda
Luncat ka: pituduh, sungsi

Anabolisme hartina aspék métabolisme nu dicirikeun ku tumuwuh. Hiji cara pikeun ngagolongkeun prosés métabolik, boh dina hambalan sélular, organ, atawa organisme nyaéta anabolik atawa katabolik.

Prosés anabolik condong ka "numuwuhkeun" organ jeung jaringan. Prosés ieu ngabalukarkeun sél tumuwuh jeung ngalaman diferensiasi sahingga ukuranana ngabadagan, hiji prosés nu ngawengku sintésis molekul kompléks. Conto prosés anabolik nyaéta mineralisasi jeung tumuwuhna tulang jeung nambahanana massa otot.

Prosés katabolik dicirikeun ku "ngarecah" organ jeung jaringan. Prosés ieu ngawengku "mesék" protéin struktural sahingga bisa didaur ulang pikeun tujuan séjén. Prosés katabolik lumangsung nalika kalaparan, setrés, jeung gering. Conto prosés katabolisme nyaéta direcahna protéin otot sangkan bisa maké asam aminona pikeun substrat dina glukonéogenesis (kurang leuwihna mah sarupa jeung ngaduruk mébel di imah anjeun nalika béakeun suluh) jeung direcahna lemak na jaringan adiposa jadi asam lemak pikeun sumber tanaga.

Kusabab patojaiyah lamun aya prosés anabolik jeung katabolik sakaligus dina hiji sél, aya rupa-rupa sinyal nu ngahurungkeun prosés anabolik sakaligus mareuman prosés katabolik, kitu ogé sabalikna. Kalolobaan sinyal nu dipikanyaho aya dina wujud rupa-rupa hormon. Para ahli éndokrinologi sacara tradisional geus ngagolongkeun rupa-rupa hormon salaku anabolik atawa katabolik.

Tempo ogé[édit | sunting sumber]

Stéroid anabolik