Anggun C. Sasmi

Ti Wikipédia, énsiklopédia bébas basa Sunda
Luncat ka: pituduh, sungsi

Anggun Cipta Sasmi atawa nu leuwih kasohor ku sebutan Anggun C. Sasmi nya éta salasahiji musisi Indonesia nu kasohor ka sakuliah dunya.[1] Lahir di Jakarta tanggal 29 April 1975.[1] Lahir ti pasangan Darto Singo, salah saurang seniman sarta Dian Herdina, wanoja turunan Karaton Yogyakarta.[1]
Ti leuleutik kénéh, Anggun geus boga bakat dina widang musik.[1] Nalika umurna 9 taun, Anggun geus bisa ngaluarkeun laguna sorangan.[1] Dina umurna nu ka-12, Anggun mimiti rékaman albeum rock munggaranana.[1] Albeum nu judulna Dunia Aku yang Punya (1986) diorbitkeun ku musisi Ian Antono sarta didistribusikeun ku Blackboard Records. [1] Tuluy, Anggun rékaman albeum nu kaduana Tua-tua Keladi (1990), dituluykeun kana albeum Anak Putih Abu-abu (1991), Gaya Remaja (1992), Noc Turno (1992), Anggun Cipta Sasmi…Lah (1993) sarta nu pamungkas nya éta Yang Hilang (1994).[1]
Anggun nu boga kahayang bisa ngalanglang ka sakuliah dunya ahirna hijrah ka London, Inggris.[1] Tapi sawatara waktu, Anggun mekarkeun bakatna dina widang musik di Paris, Prancis.[1] Di Paris, Anggun panggih jeung Erick Benzi, salasahiji produser nu kasohor di Paris.[2] Tidinya, Anggun ngagabung jeung label rékaman Sony Music Prancis.[2] Albeum munggaranan dina taun 1997 nya éta Au Nom De La La Lune dina basa Prancis atawa Snow on Sahara dina basa Inggris.[2] Ieu albeum kajual di sawatara nagara Eropa kayaning Belgia, Italia, Switzerland, Prancis sarta di sawatara nagara di Asia.[2] Salian ti éta, ieu albeum ogé dilélér Double Gold di Prancis, Double Platinum di Italia, Gold di Singapura, Gold di Switzerland, Platinum di Malaysia, jeung Triple Platinum di Indonesia.[2] Sataun tidinya, Anggun ngarilis albeum Désirs Contraires atawa Chrysalis (versi basa Inggris di pasar internasional).[2] Albeum ieu ogé dilélér Gold di Italia, Platinum di Prancis, Double Platinum di Indonesia, sarta Multi Platinum di sawatara nagara saluareun Asia.[2] Tuluy albeum Open Hearts (2002), Luminesence (2005), jeung Luminescene Speial Edition (2006).[1] Ahir bulan Méi 2011, Anggun ngaluarkeun albeum nu judulna Echoes nu diproduseran ku Anggun sorangan.[1] Ieu albeum dirilis dina dua basa nya éta Indonesia jeung Inggris.[1] Salian ti karirna di dunya hiburan, Anggun ogé aktip di sawatara kagiatan sosial.[1] Salasahijina di FAO jadi Goodwill Ambassador keur PBB.[1] Anggun ogé kasinugerahan Diamond Award sarta panglélér husus ti menteri kabudayaan Prancis dina The International Exhibition of the Music Industry di Miden. [2]


Referensi[édit | sunting sumber]

  1. a b c d e f g h i j k l m n o Anggun C Sasmi (id) (Diakses tanggal 1 Desember 2011)
  2. a b c d e f g h Biografi Anggun C Sasmi (id) (Diakses tanggal 1 Desember 2011)


Replace this image male.svg