Avril Lavigne

Ti Wikipédia, énsiklopédia bébas
(dipindahkeun ti Avril lavigne)
Luncat ka: pituduh, sungsi
Avril, 2013

Avril Ramona Lavigne atawa leuwih kasohor ku sebutan Avril lavigne nya éta salasahiji penyanyi asal Kanada.[1] Lahir tanggal 27 September 1984 di hiji kota leutik Napanee, Ontario.[2] Anak kadua ti opat sadudulur ti pasangan John Lavigne jeung Judy Lavigne. [2]
Bakat nyanyi Avril geus katingali ti umur 2 taun kénéh.[2] Nalika umur 5 taun, Avril milu hiji pasanggiri nyanyi, lagu munggaran nu dihaleuangkeunana nya éta What Made You Say That nu dipopiulérkeun ku Shania Twain.[2] Nincak umur ka-16, Avril didaptarkeun ku salasahiji artis jeung jurnalis nya éta Ken Krongard sangkan bisa rékaman di perusahaan nu kasohor di Kanada, taun 2002 Avril ngaluarkeun album munggaran nu judulna Let Go.[2] [1] Hitsna nya éta lagu nu judulna Complicated, Sk8er Boi, I’m With You nu jadi lagu favorit di Australia, Kanada, Inggris, jeung Indonesia. [1]
Ngaliwatan album munggaranana, Avril geus kasohor ku ku jalma réa tur jadi idola para rumaja.[1] Ieu album kajual leuwih ti 17 juta di sakuliah dunya.[1] Dina taun 2004, Avril ngaluarkeun deui album anyarna nu judulna Under My Skin kalawan hits single lagu Don’t Tell Me, My Happy Ending, Nobody’s Home.[1] Ieu album suksés di sakulian dunya. [1]
Taun 2007, Avril Lavigne ngaluarkeun album katilu nu judulna The Best Damn Thing.[1] Dina ieu album, Avril nu biasana idéntik jeung unsur rock katingali leuwih feminim jeung leuwih gumbira.[1] Salian ti nyieun album, Avril ogé dipercaya pikeun nyieun hiji soundtrack film kalawan single Keep Holding On dina judul film Eragon sarta single Alice dina film Alice In Wonderland. [1] Avril ogé kungsi jadi aktris di sawatara film kayaning The Flock, Fast Food, Going The Distance jeung SK8er Boi.[1]


Referensi[édit | sunting sumber]

  1. a b c d e f g h i j k Avril (Diakses tanggal 7 Nopember 2011) (id)
  2. a b c d e avril lavigne (Diakses tanggal 7 Nopember 2011) (id)


Nulis.jpg