Bénsin

Ti Wikipédia, énsiklopédia bébas
Luncat ka: pituduh, sungsi


Pom Bénsin
Bénsin dina Toplés


Bénsin atawa béngsin nya éta minyak nu saperti cai pikeun ngahirupan jeung ngajalankeun mobil, motor, jeung sajabana.[1] Bensin asalna tina minyak tanah.[1] Bensin wangunna cairan, hampang, gampang robah jadi saab, sarta gampang kabeuleum.[2] Bensin nya éta campuran ti hidrokarbon, nyaéta sanyawa anu diwangun ti karbon sarta hidrogen.[2] Ngaran "gasoline" (bénsin), asalna tina "gas".[2] Bénsin dipaké alatan bénsin éncér, jadi gampang dirobah jadi gas di jero silinder.[2] Sanggeus bénsin dibeuleum, zat éta ngabeuleum ampir sacara tuntas sarta ninggalkeun saeutik pisan limbah.[2] Dina ngabeuleumna, bénsin ngahasilkeun leuwih loba panas ti bahan beuleum éncér séjénna dina jumlah anu sarua.[2]

Bensin asalna ti sawatara hal, tapi anu pangpentingna nyaéta minyak alam nu atah, atawa minyak taneuh, anu kapanggih di jero cadangan-cadangan di handapeun taneuh.[2] Bénsin dipisahkeun ti minyak taneuh ku hiji prosés anu dingaranan "distilasi". Minyak éncér disimpen di jero tempat-tempat badag, anu dingaranan "still", sarta dipanaskeun nepi ka suhu kira-kira 400 derajat Fahrenheit.[2] Panas ieu cukup keur nguapkeun kira-kira saparapat minyak taneuh anu ngandung hidrokarbon-hidrokarbon anu ngagolak dina suhu anu pangrendahna.[2]

Saab dialirkeun ngaliwatan pipa-pipa anu ditiiskeun ti luar ku kituna jadi cairan deui (dipadatkan).[2] Distilasi diulang, sarta bénsin dimurnikeun atawa disuling.[2] Nilai bénsin gumantung dina hasilna, nya éta sabaraha mil jarak anu ditempuh mobil pér galon bénsin atawa sabaraha mil jarak anu ditempuh kapal udara dina kecepatan luhur.[2] Ku bénsin basajan nu geus disuling, kadéngé sora ngetok-ngetok di jero mesin.[2] Lamun bénsin ngabalukarkeun sora ngetrokan, hasilna goréng, alatan bénsin éta ngabeuleum kalayan goréng.[2] Jadi unsur-unsur "anti ketok" nu tangtu ditambahkeun ambéh sora mesin jadi leuwih alus.[2] Hal éta dingaranan bénsin "oktan luhur". Kiwari, geus dihasilkeun tingkat-tingkat bénsin oktan luhur anu beuki alus ambéh mobil urang bisa leumpang kalayan leuwih alus.[2]

Rujukan[édit | sunting sumber]

  1. a b Danadibrata,R.A.2006.Kamus Basa Sunda.Bandung:Kiblat Buku Utama
  2. a b c d e f g h i j k l m n o p (id) Leokum, Arkady(1997) Aku Ingin Tahu Jilid 1 Jakarta:Quality Press


Nulis.jpg