Bandéra Saudi Arabia

Ti Wikipédia, énsiklopédia bébas basa Sunda
Luncat ka: pituduh, sungsi
Bandéra Saudi Arabia
Flag of Saudi Arabia.svg
Informasi Umum
Ngaran nagara Saudi Arabia
Proporsi 2:3
Dipaké ti 15 Maret 1973
Desain Héjo kalawan kalimah syahadat warna bodas sarta hiji pedang bodas.
Pamakéan 011011
Simbol Sisi hareup nu diangkat ti perspéktif

Bandéra Saudi Arabia (Basa Arab: علم المملكة العربية السعودية‎) nyaéta bandéra anu dipaké ku pamaréntah Saudi Arabia saprak 15 Maret 1973. Bandérana mangrupa bandéra héjo kalawan kaligrafi kalimah syahadat warna bodas sarta hiji pedang warna bodas. Warna héjo nu dipaké di bandéra ieu nyaéta Pantone 330 c / CMYK (%) C 100 - M 0 - Y 50 - K 50[1]

Pamakéan[édit | sunting sumber]

Bandéra Saudi Arabia teu pernah dikibarkeun saparo tihang.

Ku sabab kalimah syahadat suci, bandéra ieu heunteu umum dipaké dina kaos atanapi barang lian. Saudi Arabia pernah mrotés kana rancangan bal nu rék dikaluarkeun ku FIFA, midangkeun sadaya bandéra nagara pamilon Piala Dunya Maén Bal 2002, kaasup bandéra Saudi Arabia. Pajabat pamaréntahan Saudi Arabia nyarioskeun yén najong kalimah syahadat ku suku teu bisa ditampi. Usaha lian ku militér AS pikeun mincut haté barudak Apganistan ku cara nyebarkeun bal nu dihiasan ku bandéra, kaasup bandéra Saudi Arabia, ngarah kana unjuk rasa.[2]

Bandéra Saudi Arabia teu pernah dikibarkeun saparo tihang salaku tanda duka cita sabab, ngahandapkeunnana dianggap panghinaan.[3][4]

Bandéra nu biasa teu kénging dipasang vértikal dumasar kana hukum Saudi Arabia. Bandéra vértikal diproduksi husus nu mana kalimah syahadatna sarta pedangna diputer, sanajan ieu téh jarang sakumaha raloba nagara Arab kirang tradisi masang bandéra vértikal.[5]

Galeri[édit | sunting sumber]

Bandéra lian[édit | sunting sumber]

Panji sipil, pikeun pamakéan ku kapal padagang di laut, mangrupa bandéra héjo kalawan bandéra nagara di kanton kalawan wates bodas. Panji karajaan mangrupa bandéra nagara kalawan tangkal palem jeung pedang di canton-na.

Rujukan[édit | sunting sumber]

  1. Flags of the World - Saudi Arabia
  2. Leithead, Alastair, "'Blasphemous' balls anger Afghans", BBC News Online, 2007-08-26. Disalin 2007-08-26.
  3. http://flagspot.net/flags/sa.html#half
  4. "Saudi King Fahd is laid to rest", BBC News, 2 August 2005.
  5. Saudi Arabia, FOTW Flags Of The World, 19 Januari 2008. Diaksés 13 Méi 2009.

Tumbu kaluar[édit | sunting sumber]

Wikimedia Commons logo
Wikimedia Commons mibanda média séjénna nu patali jeung artikel ieu dina kaca


Citakan:Arab Flags Citakan:Asia topic