Banténg

Ti Wikipédia, énsiklopédia bébas
Luncat ka: pituduh, sungsi
Banténg
Banténg di Disney's Animal Kingdom
Status konservasi
Klasifikasi ilmiah
Kingdom: Animalia
Phylum: Chordata
Class: Mammalia
Order: Artiodactyla
Family: Bovidae
Subfamily: Bovinae
Genus: Bos
Species: B. javanicus
Ngaran binomial
Bos javanicus
d'Alton, 1823

Banténg (Bos javanicus) téh sapi liar nu aya di Myanmar, Tailan, Kamboja, Laos, Viétnam, Kalimantan, Jawa, jeung Bali. Dina mangsa kolonisasi Inggris (1849), Banténg aya nu dibawa ka Australia Kalér 1849 pikeun kalangenan moro[1].

Dedegan[édit | sunting sumber]

Banténg jangkungna bisa nepi ka 1,6 m lebah pundukna, sedengkeun panjangna 2,3 m. Nu jalu beuratna bisa nepi ka 680 - 810 kg, sedengkeun nu bikangna mah leuwih leutik, tapi nu badag pisan mah bisa nepi ka saton. Pakulitan banténg bodas lebah suku handap jeung bujurna. Nu jalu kelirna semu wulung nepi ka hideung, tandukna ngadangkak ka luhur, sedengkeun nu bikang kelirna coklat semu beureum jeung tandukna leutik.

Sebaran[édit | sunting sumber]

Panalungtikan Pébruari 2005 nunjukkeun yén populasi banténg di Tanjung Cobourg aya 10.000 hulu, jadi gorombolan panglobana di sakuliah dunya, sabab di habitat aslina mah kurang ti 500 hulu.

Paripolah[édit | sunting sumber]

Banténg hirup di leuweung anu rada carang, kadaharanana jukut, awi, bungbuahan, dangdaunan, jeung dahan ngora. Liarna beurang-peuting, tapi mun di wewengkon nu deukeut jeung manusa mah biasana sok liar peuting (nyingkahan tepung jeung manusa). Gorombolan banténg biasana ukur ngawengku 20-30 hulu.

Di sababaraha wilayah di Asia Tenggara, banténg dipiara; jumlahna nepi ka 1,5 juta hulu. Banténg liar jeung nu diingu bisa dikawinkeun, sarta turunanana lolobana bisa anakan.

Subspésiés[édit | sunting sumber]

Banténg jalu kelirna wulung
  • Banténg Jawa (B. j. javanicus): Jawa; Jalu hideung, bikang coklat.
  • Banténg Kalimantan (B. j. lowi): Kalimantan; Leuwih leutik batan Banténg Jawa, nu jalu kelirna coklat kolot.
  • Banteng Birma (B. j. birmanicus): Birma, Tailan, Kamboja, Viétnam; Jalu jeung bikang sarua coklat, tapi di Kamboja kira 20% jaluna hideung, sedengkeun di Tanjung Malayu jeung Tailan lolobana hideung. Subspésiés ieu ku IUCN diasupkeun kana golongan kritis kaancam punah.


Kloning[édit | sunting sumber]

Banténg geus bisa diklon, malah kaasup spésiés kaancam punah kadua anu bisa diklon[1],[2] sarta nu munggaran bisa hirup leuwih ti saminggu (nu kahijina Gaur nu paéh dina umur dua poé sanggeus borojol).

Média[édit | sunting sumber]

Rujukan[édit | sunting sumber]

Tumbu kaluar[édit | sunting sumber]