Biokimia

Ti Wikipédia Sunda, énsiklopédi bébas

Biokimia mangrupa kimia kahirupan. Biokimiawan ngulik unsur-unsur, sanyawaan, jeung réaksi kimia nu dikontrol ku énzim-énzim na jero awak sakabéh organisme.

Biokimia museur kana struktur jeung pungsi komponén sélular kayaning protéin, lipid, karbohidrat, asam nukléat, jeung biomolekul séjénna. Kaayeunakeun biokimia leuwih museur kana kimia réaksi nu dimédiasi énzim jeung sipat-sipat protéin.

Biokimia métabolisme sél geus digambarkeun sacara éksténsif. Widang biokimia séjénna di antarana sandi genetik (DNA, RNA), sintésis protéin, transpor mémbran sél, transduksi sinyal, jeung siklus dékomposisi énergi.

Kamekaran biokimia[édit | édit sumber]

Biokimia mitambeyan tumuwuh sigana dimimitian ku ayana papanggihan énzim munggaran, diastase, taun 1833 ku Anselme Payen. taun 1828, Friedrich Wöhler medalkeun tulisan ngeunaan sistésis uréa, nu ngabuktikeun yén sanyawa organik bisa dijieun sacara artifisial, kontras jeung pamadegan harita yén sanyawa organik ngan bisa dijieun ku organisme. Saprak harita, biokimia maju ninggalkeun nu séjén, utamana mimiti panengah abad ka-20, ku kapanggihna téhnik anyar kayaning kromatografi, difraksi sinar-X, NMR, panyiri radioisotop, mikroskop éléktron, jeung simulasi dinamik molekular. Téhnik ieu jadi ngagampangkeun papanggihan jeung analisis nu detil rupa-rupa molekul jeung jalur métabolik sél, kayaning glikolisis jeung siklus Krébs.

Ayeuna, papanggihan-papanggihan na widang kimia dipaké dina loba widang, ti genetik nepi ka biologi molekular jeung ti tatanén nepi ka tatamba. Biokimia bisa jadi munggaran diterapkeun dina nyieun roti ngagunakeun kapang, kira-kira 5000 taun katukang.

Kategori[édit | édit sumber]

Biokimia sacara prinsip patali jeung kimia zat-zat nu bisa digolongkeun kana sababaraha kategori utama:

Tempo ogé[édit | édit sumber]

Wikimedia Commons logo
Wikimedia Commons logo
Wikibuku mibanda média séjénna nu patali jeung artikel ieu dina kaca
Subwidang umum dina biologi
Anatomi | Astrobiologi | Biokimia | Bioinformatika | Botani | Biologi sél | Ékologi | Biologi évolusi | Genetika | Genomika | Biologi laut | Biologi manusa | Mikrobiologi | Biologi molekul | Asal-usul hirup | Paléontologi | Parasitologi | Fisiologi | Taxonomi | Zoologi