Biotéhnologi

Ti Wikipédia, énsiklopédia bébas basa Sunda
Luncat ka: pituduh, sungsi

Biotéhnologi nyaéta téhnologi nu dumasar kana biologi, utamana nalika dilarapkeun dina agrikultur, élmu pangan, jeung tatamba.

Ti antara dadaran nu béda-béda ngeunaan biotéhnologi, nu panglengkepna dirumuskeun ku "Konvénsi ngeunaan Kabinékaan Biologis" Persarikatan Bangsa-bangsa (United Nations, UN),

"Biotéhnologi nyaéta larapan téhnologis naon baé nu migunakeun sistim biologis, organisme hirup, atawa turunanana, nu tujuanana pikeun ngarobah hasil atawa prosés pikeun tujuan husus."

Salasahiji bagian biotéhnologi nyaéta digunakeunana organisme ku manusa sacara langsung pikeun ngahasilkeun, misalna, bir, produk susu, jeung kulit. Baktéri alami ogé aya nu dijeujeutkeun dina industri pertambangan dina bioleaching. Guna séjénna di antarana dina daur ulang, ngolah runtah, meresihan tempat-tempat nu kacemaran ku kagiatan industri (bioremediasi) atawa produksi agén biowar.

Aya ogé larapan biotéhnologi nu teu migunakeun organisme hirup, di antarana chip DNA nu dimangpaatkeun dina widang genetik, atawa panglacak radioaktif dina widang kadokteran.

Najan biotéhnologi ku masarakat awam dipatalikeun jeung kloning jeung rékayasa genetik, biotéhnologi ditujukeun pikeun ngaronjatkeun alat-alat kadokteran sarta solve problems related to the production of biologically derived products, not the whimsical manipulation of life.

Kiwari, biotéhnologi, atawa biotéhnologi modern, mindeng dipatalikeun jeung dimangpaatkeunana mikroorganisme nu sacara genetik geus dirobah, misalna E. coli atawa kapang pikeun ngahasilkeun insulin atawa antibiotik. Ogé nujul ka sato atawa tutuwuhan transgenik, misalna sél endog Hamster Cina nu dirobah pikeun ngahasilkeun rupa-rupa ubar.

Sub-widang biotéhnologi[édit | sunting sumber]

Alt text
A Gel Documentation System with computer monitor

Aya sawatara istilah jargon pikeun sub-widang biotéhnologi.

Biotéhnologi beureum nyaéta biotéhnologi nu dilarapkeun kana prosés médis. Contona nyaéta organisme nu dirancang pikeun ngahasilkeun antibiotik, atawa ngarékayasa genetik pikeun nambaan kasakit ku cara manipulasi génomik.

Biotéhnologi bodas, ogé katelah biotéhnologi abu, nyaéta biotéhnologi nu dilarapkeun kana prosés industri. Contona nyaéta organisme nu dirancang pikeun ngahasilkeun bahan kimia nu mangpaat. Biotéhnologi bodas umumna bisa ngirit sumberdaya dibandingkeun jeung prosés tradisional pikeun ngahasilkeun barang-barang industri.

Biotéhnologi héjo nyaéta biotéhnologi nu dilarapkeun kana prosés tani. Contona nyaéta ngarancang organisme sangkan bisa tumuwuh dina kaayaan nu husus atawa dina kaayaan aya/taya bahan kimia tani nu tangtu. Biotéhnologi héjo umumna boga hasil nu leuwih soméah lingkungan batan tatanén industri. Contona nyaéta ngarancang tutuwuhan sangkan ngéksprésikeun péstisida, sahingga ngahapus kabutuh péstisida ti luar.

Istilah biotéhnologi bulao ogé geus dipaké pikeun ngagambarkeun larapan biotéhnologi di widang maritim, ngan masih jarang.

Kala biotéhnologi[édit | sunting sumber]

Maskapé biotéknologi[édit | sunting sumber]

  • Genentech
  • biocon -india
  • shantha biotech-india
  • ZymoGenetics
  • Monsanto
  • AmGen

Tempo ogé[édit | sunting sumber]