Blaise Pascal

Ti Wikipédia, énsiklopédia bébas basa Sunda
Luncat ka: pituduh, sungsi
Blaise Pascal

Blaise Pascal (1623- 1662 M) lahir di Clermont Ferrand tanggal 19 Juni 1632.[1] Bapana Etienne Pascal, panaséhat karajaan anu tuluy diangkat minangka présidén organisasi the Court of Aids di kota Clermont.[1] Indungna tilar nalika anjeunna umur 3 taun, ninggalkeun anjeunna jeung dua dulur awéwéna, Gilberte jeung Jacqueline. Dina taun 1631 kulawargana pindah ka Paris.[1]

Ti mimiti umur 12 taun, anjeunna biasa diajakan ku bapana ngahadiran pakumpulan diskusi matématika.[1] Bapana ngajar anjeunna élmu basa, hususna basa Latén jeung Yunani, tapi henteu ari matématika mah.[1] Bapana ngahaja teu ngajarkeun matématika ka Pascal sangkan ngamunculkeun rasa panasaranana.[1] Pascal tuluy biasa ngalakukeun ékspérimen kalawan wangun-wangun géométri, sarta manggih rumus géométri standar jeung mere ngaran kana éta rumus make ngaranna sorangan.[1]

Taun 1640 Pascal sakulawarga pindah ka kota Rouen.[1] Harita, anjeunna masih diajarkeun langsung ku bapana tapi Pascal diajar pohara getolna komo nepika nguras tanaga jeung kaséhatanana ku anjeun.[1] Hasil usahana teu percuma, ahirna anjeunna hasil nimukeun téoréma géométri anu luar biasa.[1]

Téori probabilitas mungkin bias disebut minangka sumbangsih panggedéna Pascal, sanajan teu bisa leupas tina peran Fermat.[2] Sanajan awalna mah pikeun ngabantuan bapana ngitung narima pajak, mesin itung jieunan Pascal pohara kawentarna sabab bakal jadi cikal-bakal kamekaran mesin itung anu dijieun ku Leibinz.[2] Segi tilu Pascal- leupas tina tujuan utamana pikeun ngitung probabilitas dina judi- ngagampangkeun urang ngitung hasil sasaruaan kuadrat, pangkat tilu, pangkat opat jeung saterusna.[2]


Sumber[édit | sunting sumber]

  1. a b c d e f g h i j (id)Biografi Blaise Pascal - Penemu Kalkulator (diakses tanggal 8 November 2011)
  2. a b c (id)Pascal Matematikawan religius sekaligus seorang penjudi (diakses tanggal 8 November 2011)
Nulis.jpg