Burayot

Ti Wikipédia Sunda, énsiklopédi bébas
Burayot ti Garut

Burayot nyaéta sajenis kadaharan anu dikenal pisan ku masarakat di kacamatan Leles, Kadungora jeung Wanaraja.[1] Burayot boga rasa anu amis jeung gurih anu matak ieu kadaharan dipikaresep ku unggal jelema.[1] Tina ngaranna ogé ieu kadaharan téh geus nyunda.[1] Burayot atawa ngaburayot dinu basa sunda nyaéta ngagulantung.[1] Kadaharan ieu di jieun tina bahan-bahan anu gampang ditéangan di pasar, jiga béas, gula beureum, minyak kalapa, jeung suuk.[1] prosés ngajieuna ogé cukup gampang.[2] Kahiji béas beureum di tutu nepi ka jadi tipung béas, saméméh éta gula beureumna dicairkeun, suuk disangrai atawa digoréng tapi teu maké minyak kalapa, terus tutu nepi ka lembut.[2] Tipung béas jeung suuk anu tadi ditutu nepi ka lembut terus diasupkeun kanu cai gula beureum anu geus tiis.[2] Bahan ieu terus dijieun adonan ku cara digalokeun nepi ka rata.[2] Terus adonan dicitak keur digoréng dina katel.[2] Saanggeus asak tuluy ditiiskeun, waktu keur ditiiskeun dinu katel, kadaharan ieu kudu diangkat ku cocolok awi.[2] ku sabab sipatna anu lembek, pas diangkat dinu katel ku panyolok awi bakal katingali ngaburayot.[1] ku lantaran éta kadaharan ieu disebut burayot.[1]

Rujukan[édit | édit sumber]

  1. a b c d e f g [Darpan, S.Pd, seputar garut],.
  2. a b c d e f [1] Archived 2015-06-07 di Wayback Machine, 2014.