Cakcak

Ti Wikipédia, énsiklopédia bébas basa Sunda
Luncat ka: pituduh, sungsi
Cakcak
Cakcak imah
Klasifikasi ilmiah
Kingdom: Animalia
Phylum: Chordata
Class: Reptilia
Order: Squamata
Suborder: Sauria
Family: Gekkonidae
Gray, 1825
Subfamili

Aeluroscalabotinae
Eublepharinae
Gekkoninae
Teratoscincinae
Diplodactylinae

Cakcak mangrupakeun kadal anggota famili Gekkonidae, ukuranana kawilang leutik-sedeng, hirup di wewengkon iklim haneut di sakuliah dunya. Teu ilahar jeung bangsa kadal lianna, cakcak mah sok disada dina interaksi jeung cakcak lianna. Kaistiméwaan lianna nyaéta kamampuhna pikeun napak dina bahan vértikal nu lemes. Di wewengkon iklim haneut mah cakcak téh dalit pisan dina kahirupan manusa sapopoé, sabab sok aya di lingkungan jero paimahan, komo ku sipatna nu sok ngahakan serangga nu sok ngaganggu (misalna reungit).

Aya sababaraha spésiés cakcak nu parténogenik, bikangna bisa endogan tanpa kudu jalangan jeung jalu.

Dina kaélmuan, nu jadi béntangna téh nyaéta dampal sukuna, sabab bisa napel kana rupa-rupa bahan tanpa maké cairan atawa tegangan beungeut cai.

Spésiés cakcak nu ilahar[édit | sunting sumber]

  • Cakcak emas, Gekko ulikovski
  • Cakcak imah, Hemidactylus frenatus—spésiés nu ilahar aya di lingkungan paimahan, sumebar di wewengkon tropis jeung subtropis.
  • Cakcak Indo-Pasifik, Hemidactylus garnoti—ogé katelah cakcak careuh (fox gecko) kusabab sungutna panjang kawas careuh. Spésiés ieu aya di paimahan di wewengkon tropis.
  • Cakcak Méditerania, Hemidactylus turcicus—aya nu hirup di paimahan, aya ogé nu liar.
  • Cakcak leopard, Eublepharis macularius —spésiés nu panglobana dikukut, sigana mah kusabab teu bisaeun naék mun diteundeun dina wadah kaca.

Sumber rujukan[édit | sunting sumber]

  • Gecko, Wikipédia édisi basa Inggris per 23 Pébruari 2006.

Tumbu kaluar[édit | sunting sumber]


Nulis.jpg