Candi Mendut

Ti Wikipédia, énsiklopédia bébas basa Sunda
Luncat ka: pituduh, sungsi
Mendut Temple.jpg

Candi Mendut mangrupa candi nu aya di wétan ti garis lurus tilu candi (Candi Borobudur, Candi Pawon, jeung Candi Mendut). [1] Candi ieu diadegkeun ku dinasti Syailendra nu kasang tukangna agama Budha, hal ieu ditunjukkeun ku ayana stupa 48 di bagian luhurna. [1] Masih can bisa dipastikeun iraha diadegkeunna ieu candi téh, tapi saurang arkéologi Belanda nyebutkeun yén di jero prasasti Kayumwungan nu ditimukeun di désa karangtengah bertarikh 824M disebutkeun yén raja Indra geus nyieun hiji bangunan suci nu dingaranan venunava nu hartina "hutan bambu". [2]

Di bagian luhur candi ieu aya rohangan nu eusina tilu patung Budha. [1] Sakabéh patung ieu nya éta Bodhisattva Vajravani, Buddha Sakyamuni, jeung Bodhisattva Avalokitesvara. [1] Relief-relief nu aya di dinding candi ieu jelas bentuk atawa ukiranna. [1] Relief ieu ngandung harti carita ajaran moral kalayan tokoh-tokoh sasatoan (fabél) salaku pamaénna. [1] Aya carita "Brahmana dan Kepiting", "Angsa dan Kura-kura", "Dua Burung Betet yang Berbeda" jeung "Dharmabuddhi dan Dustabuddhi". [1] Sacara kronologis, Candi Mendut ditimukeun taun 1836. [1] Tuluy dirénovasi taun 1897 jeung 1904. [1] Di taun 1908 bagian luhurna dibenerkeun deui ku arkéolog belanda. [1] Taun 1925 sababaraha stupa dirapihkeun, dipasang jeung disusun deui. [1] Luas bangunan candi ieu sakitar 13,7x13,7 meter sarta luhurna sakitar 26,4 meter. [1]


Nulis.jpg



Rujukan[édit | sunting sumber]

  1. a b c d e f g h i j k l Candi (Diakses tanggal 4 Desember 2011)
  2. Mendut (Diakses tanggal 4 Desember 2011)