Cendrawasih Biru

Ti Wikipédia, énsiklopédia bébas basa Sunda
Luncat ka: pituduh, sungsi
Cendrawasih Biru
Status konservasi
Klasifikasi ilmiah
Kingdom: Animalia
Phylum: Chordata
Class: Aves
Order: Passeriformes
Family: Paradisaeidae
Genus: Paradisaea
Species: P. rudolphi
Ngaran binomial
Paradisaea rudolphi
(Finsch, 1885)

Cendrawasih Biru atawa dina ngaran ilmiahna Paradisaea rudolphi nya éta sajenis manuk cendrawasih ukuranana sedeng, miboga panjang kira-kira 30cm, ti genus Paradisaea. Daérah sebaran Cendrawasih Biru aya di leuweung-leuweung pagunungan Papua Nugini bagian wétan sarta tenggara, umumna ti jangkungna 1.400 méter nepi ka jangkungna 1.800 méter di luhur permukaan laut.[1]

Manuk ieu boga warna hideung sarta biru, miboga paruh bodas kabiruan, suku dawuk, iris panon boga warna coklat kolot, di sakuriling panon aya dua buah satengah bunderan bodas sarta jangjang boga warna biru caang.[2]


Manuk jalu nu geus dewasa ngabogaan bulu-bulu jumbai hiasan dina sisi harigu anu boga warna biru kaunguan lamun ditempo ti handap sarta boga warna coklat kabeureum-beureuman lamun ditempo ti luhur. Dina bagian hariguna aya bunderan oval hideung kalayan boga warna beureum. Buntutna aya dua tali panjang, warnana hideung jeung tungtung boga warna biru. Cendrawasih awéwé ukuranana leuwih leutik, henteu dipapaésan bulu hiasan sarta awak bagian handap boga warna coklat kabeureum-beureuman.[1]

Cendrawasih Biru nya éta ngawayuh spésiés. Manuk jalu mikat pasangan kalayan ritual tarian anu mamérkeun bulu-bulu hiasanna. Henteu kawas manuk cendrawasih Paradisaea séjénna, Cendrawasih Brui jalu ngalakonan tarianna henteu dina jumplukan. Jalu ngagantungkeun awakna ka handap, muka mamérkeun bulu hiasanna kawas kipas biru bari berkicau jeung sora nyarupaan dengungan pendék. Dideketna aya buntut awéwé. Sanggeus kopulasi, manuk jalu ninggalkeun awéwé sarta mimitian néangan pasangan anu séjén.[1]


Cendrawasih Biru kapanggih ku Carl Hunstein dina salasahiji ékspédisina di pulo Irian dina taun 1884. Ngaran ilmiah spésiés langka ieu miéling saurang putra makuta ti Austria ngaranna Rudolf von Ésterreich-ungarn.[1]


Rujukan[édit | sunting sumber]

  1. a b c d (id)[1](diakses kaping 7 november 2011)
  2. (id)[2](diakses kaping 10 november 2011)