UTC

Ti Wikipédia Sunda, énsiklopédi bébas

UTC atawa Wanci Univérsal Terkoordinasi (Coordinated Universal Time), sering disebut ogé minangka Wanci Zulu nyaéta réalisasi tina waktu atom ti Universal Time (UT) atawa Greenwich Mean Time (GMT). Waktu ieu dumasar kana wanci sipil (civil time). Zona wanci (Time Zone) di sakuliah dunya ditunjukkeun minangka tambahan positif atawa negatif dibndingkeun jeung UT. Bedana antara UTC jeung Wanci Atom Internasional (TAI) nyaéta sababaraha detik jangkep (lain pecahan), nu cocog jeung wanci nu diitung ku jam atom. Bedana antara UTC jeung UT nyaéta sapersakitu (sepersekian) detik.

UTC nyaéta ukuran waktu campuran: kecepatan ti UTC nyaéta dumasar kanu diitung ku standar jam atom, tapi epoch ti UTC dicocogkeun sangkan deukeut jeung waktu UT anu dumasar kana data astronomi. Puteran bumi saeutik demi saeutik ngalaman perlambatan (alatan éfék ngeremna ku pasang-surut), ku kituna mean poé panonpoé beuki nambahan saprak diwanohkeunana TAI. Alatan alesan ieu, UT "leuwih laun" ti TAI. UTC sok dipertahankeun sangkan aya dina 0.9 detik ti UT1 (UT1 nyaéta hiji ti tilu definisi UT anu pangakuratna); detik kabisat baris ditambahkeun ka (atawa meureun bisa ogé dikurangkeun ti) UTC di unggal ahir bulan. Nepi ka ayeuna, panambahan/pangurangan detik kabisat ieu (anu munggaran taun 1972) sok dina harga positif, sarta dipigawé dina tanggal 30 Juni atawa 31 Désémber, di mana penambahan detik kabisat dingaranan minangka jam 23:59:60. Béwara ti detik kabisat ieu dipigawé ku International Earth Rotation and Reference Systems Service (IERS - Sistem Internasional Pangladén Putaran Bumi sarta Référénsi), dumasar kana pangukuran akurat ti prakiraan astronomi puteran bumi. Sacara sajarah, hiji detik kabisat sok diperlukeun saban hiji atawa dua taun sakali. Tapi sok sanajan kitu, detik kabisat geus lila henteu ditambahkeun saprak taun1998, alatan perlambatan bumi geus ngurangan sacara samentara dina 7 taunpamungkas ieu. Detik kabisat anu tuluy, kawas kungsi disalabarkeun IERS dina bulan Juli 2005, lumangsung dina tanggal 31 Désémber 2005.

Pikeun kaperluan praktis, sarta pikeun kaperluan perdagangan sarta hukum, béda leutik (dina pecahan detik) antara UTC sarta UT (atawa GMT) nyaéta dianggap leutik, sarta alatan alesan ieu, dina percakapan umum UTC mindeng disebutkeun minangka GMT, sanajan sabenerna sacara téknis mah ieu téh henteu pas.

Tempo ogé[édit | édit sumber]