Curug Cijalu

Ti Wikipédia Sunda, énsiklopédi bébas

Curug Cijalu nyaéta salah sahiji curug tujuan pariwisata anu aya di Kabupatén Subang[1]. Ngaran curug anu jangkungna 70 m téh asalna tina kecap cai jeung jalu[2]. Ngaran Cijalu mimitina kadatangan ku saurang pendekar di tempat éta anu dipercaya ku masarakat manéhna boga siih atawa jalu[2]. Curug cijalu legana 2ha kaasup KPH Bandung Utara, BKPH Wanayasa, RPH Tangkuban Parahu anu sacara administrasi pamaréntahan aya di Kabupaten Subang Kecamatan Sagalaherang Desa Cipancar, tapi ayeuna mah ku sabab dimekarkeun kacamatan Sagalaherangna téh jadi curug Cijalu aya di Kecamatan Serangpanjang[1].Wana wisata ieu aya di ketinggian 1.30m dpl, konfigurasi lapangan lolobana bergelombang [1]. Daérah ieu miboga curah hujan 2.700mm/th anu suhu udarana 18-26C[1]. Curug Cijalu dibuka ti mimiti 1 September 1984 anu tempatna dileuweung produksi blok Cijengkol [1].Baheula saméméh dikokolakeun curug ieu sering didatangan ku urang turunan tionghoa anu nganggap yén ieu curug téh tempat mandina para bidadari, ayana kapercayaan ieu ku sabab nalika matahari nyorot ka curug, bakal katingali katumbiri-katumbiri leutik anu mantul tina curug[1].

Poténsi Kawasan jeung Poténsi Wisata[édit | édit sumber]

Wana wisata ieu ngawengku leuweung atawa reuma, ciséké anu aya dimangpaatkeun pikeun kaperluan turis[1]. Poténsi visua lansekap di daérah ieu anu ngirut ati nyaéta curugna,tempat kemping pikeun anu resep kemping, leuweung jeung hawa anu seger nu geus jarang kapanggih komo di kota-kota gedé mah[1]. Wana wisata ieu dipaké pikeun wisata poéan anu kagiatanana téh piknik, mandi di curug, saba reuma jeung naék gunung[1].

Fasilitas[édit | édit sumber]

Fasilitas anu aya dilokasi wisata ieu nyaéta tempat karcis, pos jaga, tempat parkir, shelter, tempat sampah, jalan satapak, tempat diuk atawa biasa disebut gazébo, mushola jeung instalasi cai[1].

Aksesbilitas[édit | édit sumber]

Wana wisata bisa diaksés ti Kecamatan Wanayasa (18 km), Sagala Herang (20 km) jeung ti Kabupaten Subang (37 km),Purwakarta (40 km), Bandung (63 km)[1]. Kaayaan jalan umumna geus di aspal jeung aya saeutik anu jalanna téh jalan batu, bisa diliwatan ku motor jeung mobil, atawa alat transportasi umum anu aya kayaning ojég, atawa nu séjénna[1]

Referensi[édit | édit sumber]

  1. a b c d e f g h i j k l Curug Cijalu Archived 2011-10-09 di Wayback Machine(diakses 10 November 2011)
  2. a b Curug Cijalu Archived 2016-05-31 di Wayback Machine(diakses 13 november 2011)