Curug Muara Jaya

Ti Wikipédia Sunda, énsiklopédi bébas

Curug Muara Jaya atawa Curug Apuy nyaéta salah sahiji obyek wisata unggulan di kabupatén Majaléngka.[1] Curug anu dikokolakeun nalika taun 1999 ieu aya di désa Argamukti, kacamatan Argapura, Majaléngka.[1]

Karakteristik curug[édit | édit sumber]

Ieu curug jangkungna kira-kira 73 m.[2] Curug ieu miboga dua tingkatan, tingkat kahiji mangrupa curug utama anu jangkungna kira-kira 60 méter, sedengkeun tingkat kadua mangrupa curug anu leuwih leutik, jangkungna kira-kira 13 méter.[2]. Lega ieu curug kira-kira 2 Ha.

Cara pikeun nepi ka curug[édit | édit sumber]

Jarak nu kudu ditempuh kira-kira 20 Km ti puseur kota.[1] Saméméh nepi di Curug Muara Jaya, ti Majaléngka urang leuwih tiheula kudu ngaliwatan kacamatan Maja.[1] Jarak ti tempat parkir ka lokasi wisata kira-kira +300 m mangrupa jalan satapak anu geus ngagunakeun paping blok.[1]

Harga tikét katut fasilitas[édit | édit sumber]

Harga tiket ngan saharga Rp. 4.000/jalma.[1] Jumlah nu datang taun 2007 jumlahna 15.782 jalma, taun 2005 jumlahna 32.300 jalma.[1] Fasilitas anu aya di Curug ieu di antarana tempat parkir anu lega, aréna ulin barudak, bale pasamoan, toilét, warung, shelter, musola, sarta camping ground.[1]

Kagiatan séjén[édit | édit sumber]

Di lokasi ieu dina saban taunna dilaksanakeun upacara Pareresan anu dipigawé masarakatna sanggeus panén raya.[2]

Rujukan[édit | édit sumber]

  1. a b c d e f g h Curug[tumbu nonaktif] (Diakses tanggal 18 November 2011)
  2. a b c Talaga Archived 2011-11-25 di Wayback Machine (Diakses tanggal 18 November 2011)