Curug Bangkong

Ti Wikipédia Sunda, énsiklopédi bébas
(dialihkeun ti Curug bangkong)

Curug Bangkong nyaéta obyék wisata di Kabupatén Kuningan di désa kertawirama.[1] Curug bangkong mibanda jangkung 23 méter kalayan rubak kira-kira 3 méter.[1] Daya cai Curug ieu perenahna lamun usum hujan datang, jumlah cai nambahan leuwih gedé nu ngajadikeun curug kabeulah jadi dua.[1] Sajaba éta kaéndahan curug, tétéla aya hal anu séjén mangrupa carita-carita ti dunya séjén anu sok ngawarnaan di mana ayana.[1] Béjana, loba nu datang datang ka curug ieu teu saukur ulin, tapi pikeun tujuan séjén, kawas néangan berkah sarta moro kesaktian.[1]

Sajarah[édit | édit sumber]

Nurutkeun carita ti masarakat kira-kira curug, baheula basa aya saurang kolot ngaranna Wiria, asalna ti Ciamis.[2] Manéhna sok tapa di unggal tempat, anu keur ngalalana.[2] Teu kahaja manéhna manggihan hiji curug .[2] Tuluy manéhna hayang tapa di éta curug pikeun nambah kasaktian.[2] Ogé manéhna yakin lamun di tempat éta ogé manéhna baris bisa ilafat.[2] Singket carita, manéh ngajarkeun masarakat ngajieun gula beureum anu tuluy jadi pakasaban sapopoé masarakat désa Kertawirama.[2] Hiji waktu, Wiria anu disebut abah Wiria ku masarakat désa Kértawirama ngarasa aya anu ngaharéosan pikeun tapa deui di éta curug, harita tapana lain sapoé atawa dua poé tapi mangtaun-taun nepi ka masarakat hariwang abah wiria moal balik deui.[2] Sabada éta masarakat néang abah wiria ka curug tapi teu kapanggih dedegannana, nepi ka masarakat nyimpulkeun yén Abah wiria ngajirim jadi bangkong sabab saprak abah Wiria teu kapanggih sok aya sora bangkong padahal di sabudeureun curug jarang kapanggih bangkong.[2] ti dinyaéta curug dingaranan curug bangkong, sabab dipercaya curug éta di jagaan ku abah wiria anu ngajelma jadi bangkong.[2]

rujukan[édit | édit sumber]

  1. a b c d e (id)Curug bangkong kuningan[tumbu nonaktif] (diaksés tanggal 23 November 2011)
  2. a b c d e f g h i Wawan Hermawan Spk.Kuningan Menembus Waktu. Humas Pemda Kabupaten Kuningan 2000. Kuningan.