Démokrasi

Ti Wikipédia, énsiklopédia bébas
Luncat ka: pituduh, sungsi
Anggota PDI-P di handap kapamingpinan Megawati salila kampanyé di Pemilu

Démokrasi asalna tina Basa Yunani démokratia. Demos artina rahayat, sedengkeun kratia artina pamaréntahan. Nagara nu paham démokrasi, ngahormat kana hak pulitik warga negarana.[1] Maranéhna bébas pikeun ngébréhkeun pamadeganana.[1] Prakték démokrasi geus dijalankeun ku penduduk Athena, Yunani Kuna, kira-kira 2.500 taun ka tukang.[2] Dina waktu éta, sakumna rahayat ngariung pikeun netepkeun undang-undang pikeun warga dayeuh maranéhanana.[2] Tapi, alatan kamekaran jumlah penduduk anu kitu gancang nambahan, palaksanaan démokrasi ayeuna nyaéta ngaliwatan wawakil.[2] Rahayat milih wawakilna pikeun nyieun kaputusan luhur ngaran maranéhanana.[2] Dina nagara démokratis, kabéh warga ngabogaan hak partisipasi dina pamaréntahan.[2] Di Indonésia contona, warga anu geus umurna 17 taun atawa kungsi nikah bisa milu dina pemilihan umum (pemilu) pikeun milih présidén sarta wawakil présidénna, anggota DPR minangka wawakilna di pamaréntah puseur, sarta anggota DPRD di pamaréntahan wewengkon.

Démokrasi Langsung sarta Wawakil[édit | sunting sumber]

Aya dua wangun palaksanaan démokrasi, nyaéta démokrasi langsung sarta démokrasi wawakil.[2] Nurutkeun Jean Jacques Rousseau (1712-1778), filsuf Perancis, démokrasi langsung bisa dijalankeun lamun minuhan hal katut (1) jumlah wargana leutik, (2) pemilikan sarta kamakmuran kabagi rata, (3) masarakat sarta kabudayaanna boga sipat homogen.[2] Prakték démokrasi langsung kungsi dijalalnkeun dina mangsa pamaréntahan Kleistenes di Athena, Yunani Kuna (508 SM).[2] Sedengkeun démokrasi wawakil nyaéta hiji kaputusan dicokot ti sora panglobana.[2] Demokasi wawakil mimitina ngembang dina abad ka-18 sarta abad ka-19 di Inggris sarta Amérika Sarikat.[2] Kalolobaan nagara di dunya ieu ngalaksanakeun sistem pamaréntahan dina wangun démokrasi wawakil.[2] Pamingpin nagara sarta wawakil rahayat dipilih ku rahayat ngaliwatan pemilu.[2] Nagara anu ngajalankeun sistem démokrasi sarupaning ieu biasana disebut nagara républik.[2]

Rujukan[édit | sunting sumber]

  1. a b (id) Ensiklopedia Anak Nasional. 1989. PT Cipta Adi Pustaka
  2. a b c d e f g h i j k l m (id) Syukur, Abdul. dkk. 2005. Ensiklopedia Umum untuk Pelajar. PT Ichtiar Baru Van Hoeve
Nulis.jpg