Déwan Pangwakil Rahayat Républik Indonésia

Ti Wikipédia Sunda, énsiklopédi bébas
(dialihkeun ti Déwan Pangwakil Rahayat)
Déwan Pangwakil Rahayat
Dewan Perwakilan Rakyat
Coat of arms or logo
Tipeu
Tipeu
Déwan sahandapeun Majlis Pamusawarahan Rahayat
Wates mangsa
Tanpa wates mangsa (5 taun)
Pingpinan
Juru wicara
Puan Maharani, PDI-P
saprak 1 Oktober 2019
Struktur
Korsi560
DPR_2014.png
Kelompok pulitik
Pamilihan umum
Perwakilan proporsional sistim terbuka
Pamilihan terahir
9 April 2014
Tempat rapat
Sidang Paripurna DPR ke-9 2015.jpg
Komplék législatif
Jakarta, Indonésia
Loka raramat
www.dpr.go.id

Déwan Pangwakil Rahayat Républik Indonésia atawa sakapeung disebut Déwan Pangwakil Rahayat (Basa Indonésia: Dewan Perwakilan Rakyat, disingget DPR-RI atawa DPR) nyaéta lembaga luhur nagara anu kasusun dina sistem tata nagara Indonésia minangka lembaga wawakil rahayat.[1] DPR kasusun ku anggota partéy pulitik anu dipilih langsung tina pemilihan umum.[2]

Dasar Papagon[édit | édit sumber]

Dumasar kana fungsina, lembaga anu aya patalina jeung DPR nyaéta DPRD.[2] Anu wilayah gawéna di tingkat provinsi disebut DPRD Propinsi sedengkeun di tingkat kabupatén/kota disebut DPRD Kabupatén/Kota.[2] Ditilik dina UU Pemilu No 10 taun 2008 ditetepkeun yén:

  1. Jumlah anggota DPR RI nyaéta 560 urang;
  2. Jumlah anggota DPRD Propinsi sakurang-kurangna 35 urang jeung saloba-lobana 100 urang;
  3. Jumlah anggota DPRD Kabupatén/Kota sakurang-kurangna 20 urang jeung saloba-lobana 50 urang.[2]

Kaanggotaan DPR diresmikeun ku kaputusan présiden.[2] Sarta dipiharep anggota DPR kudu domisili di puseur dayeuh nagara.[2] Mangsa jabatan DPR nyaéta lima taun sarta dipungkas nalika anggota DPR anu anyar ngucapkeun sumpah/jangji.[2] Saméméh diistrénan, anggota DPR ngucapkeun sumpah/jangji babarengan anu dipingpin ku Ketua Mahkamah Agung dina sidang Paripurna DPR.[2]

Fungsi[édit | édit sumber]

Aya tilu fungsi DPR nyaéta: législasi, anggaran jeung pangawasan.[2]

Fungsi Législasi[édit | édit sumber]

Fungsi législasi nyaéta DPR boga fungsi minangka lembaga anu nyieun undang-undang babarengan jeung présiden.[2]

Fungsi Anggaran[édit | édit sumber]

Fungsi anggaran nyaéta DPR boga fungsi minangka lembaga anu boga hak pikeun netepkeun Anggaran Pendapatan dan Belanja Negara atawa APBN.[2]

Fungsi Pangawasan[édit | édit sumber]

Fungsi pangawasan nyaéta DPR boga fungsi minangka lembaga anu ngawas jalanna undang-undang di pamaréntahan.[2]

Hak DPR RI[édit | édit sumber]

Iwal ti fungsi, DPR ogé boga hak nyaéta: Hak interpelasi, angkét, jeung menyatakan pendapat.[2]

Hak Interpelasi[édit | édit sumber]

Hak interpelasi nyaéta hak DPR pikeun ménta katerangan ka pamaréntah ngeunaan kawijakan pamaréntah anu penting jeung penting sarta boga dampak mangpaat pikeun kahirupan masarakat.[2]

Hak Angkét[édit | édit sumber]

Hak angkét nyaéta hak DPR pikeun nalungtik hiji kawijakan pamaréntah anu disawang bakal pagedrug jeung aturan undang-undang.[2]

Hak Imunitas[édit | édit sumber]

Hak imunitas nyaéta hak DPR anu disebut kekebalan hukum.[2] Unggal anggota DPR teu bisa ditungtut di hareupeun jeung di luar pengadilan lantaran pernyataan, pertanyaan/sawangan anu diébréhkeun ngaliwatan lisan atawa tulisan dina rapat-rapat DPR, salila teu patukang tonggong jeung aturan tata tertib jeung kode étik.[2]

Hak Ngedalkeun Pendapat[édit | édit sumber]

Hak ngedalkeun pendapat nyaéta hak DPR pikeun ngébréhkeun sawangan kana kawijakan pamaréntah ngeunaan kawijakan luar biasa anu aya di jero nagara sarta ku rékomendasi solusi atawa minangka tindak lanjut jalana hak interpelasi jeung hak angkét.[2] Pikeun ngagampangkeun tugas anggota DPR, dijieun komisi-komisi anu kerjasama jeung pamaréntah minangka mitra gawé.[2]

Komisi-komisi[édit | édit sumber]

Di kantor DPR-RI aya 11 komisi, anu unggal komisi mibanda urusan séwang-séwangan. Saperti:

  • KOMISI I, Ruang Lingkup : PERTAHANAN, INTELIJEN, LUAR NEGERI, KOMUNIKASI DAN INFORMASI
  • KOMISI II, Ruang Lingkup : PEMERINTAHAN DALAM NEGERI DAN OTONOMI . DAERAH, APARAT NEGARA , AGRARIA DAN KOMISI PEMILIHAN UMUM ( KPU )
  • KOMISI III, Ruang Lingkup : HUKUM , PERUNDANG UNDANGAN, HAM DAN KEAMANAN .
  • KOMISI IV, Ruang Lingkup : PERTANIAN , PERKEBUNAN, KEHUTANAN, KELAUTAN, PERIKANAN DAN PANGAN.
  • KOMISI V , Ruang Lingkup : PERHUBUNGAN , PEKERJAAN UMUM, PERUMAHAN RAKYAT, PEMBANGUNAN PEDESAAN DAN KAWASAN TERTINGGAI, BADAN METEOROLOGI DAN GEOFISIKA, DAN BADAN SAR NASIONAL .
  • KOMISI VI , Ruang Lingkup : PERDAGANGAN , PERINDUSTRIA, INVESTASI, KOPERASI UKM BUMN, STANDARISASI NASIONAL.
  • KOMISI VII , Ruang Lingkup : ENERGI SUMBER DAYA MINERAL, RISET DAN TEKNOLOGI, LINGKUNGAN HIDUP .
  • KOMISI VIII, Ruang Lingkup : AGAMA, SOSIAL DAN PEMBERDAYAAN PEREMPUAN
  • KOMISI IX, Ruang Lingkup : KEPENDUDUKAN, KESEHATAN, TENAGA KERJA DAN TRANSMIGRASI.
  • KOMISI X, Ruang Lingkup : PENDIDIKAN , PEMUDA, OLAHRAGA, PARIWISATA, KESENIAN, PERFILMAN, KEBUDAYAAN, DAN PERPUSTAKAAN .
  • KOMISI XI , Ruang Lingkup : KEUANGAN , PERENCANAAN PEMBANGUNAN NASIONAL, PERBANKAN DAN LEMBAGA KEUANGAN BUKAN BANK .

[3]


Rujukan[édit | édit sumber]

  1. Bakir, R Suyoto & Sujanto. 2008. RPUL Indonesia-Dunia. Jakarta: Karisma
  2. a b c d e f g h i j k l m n o p q r s Waranurastuti, Venti. 2013. RIPUT Indonesia-Dunia. Jakarta: Dunia Cerdas
  3. Komandoko, Gamal (2010). Ensiklopedia Pelajar dan UmumKomandoko. Jakarta: Pustaka Widyatama. p. 7. ISBN 9789796103713.  Disungsi18 Januari 2023