Daniel Bernoulli

Ti Wikipédia, énsiklopédia bébas
Luncat ka: pituduh, sungsi
Daniel Bernoulli

Daniel Bernoulli lahir taun 1700 ti hiji kulawarga anu boga sajarah panjang minangka ahli matématika.[1] Nalika lahir, bapana jadi pupuhu jurusan matématika di universitas Gruningen, Walanda.[1] Bapana boga pangaruh anu kuat dina kamekaran Daniel Bernoulli komo mutuskeun yén jalan Daniel Bernoulli téh jadi padagan, lain ahli matématika saperti dirina.[1]

Tapi Daniel ngalawan kahayang bapana, anjeunna kalahka haying jadi ahli matématika siga bapana.[1] Sakumaha bapana, Daniel kalahka kapincut kana élmu matématika, tapi dina lalampahanana ,bapana Daniel mutuskeun anakna sangkan jadi dokter daripada jadi ahli matématika alatan numutkeun anjeunna, jadi ahli matématika hartina bakal kurang duit.[1] Ari pék justru dina dunya kadokteran pisan anjeunna jadi kawentar.[1] Dumasar bekel kaahlianana dina matématika, Daniel manggihan cara ngukur tekanan getih.[1] Ti dinya pisan awalna téori hidrodinamika anu kawentar dimimitian.[1]

Sasaruaan dasar dina hidrodinamika geus bisa ditaratas jeung dirumuskeun ku Bernoulli kalawan hade, nu antukna bisa dimangpaatkeun pikeun ngajelaskeun ejala fisis anu aya hubunganana jeung aliran cai.[2] Sasaruaan dasar éta téh disebut minangka Sasaruaan (id:Persamaan) Bernoulli atawa téoréma Bernoulli, nyaéta hiji persamaan anu ngajelaskeun rupa-rupa hal anu aya kaitanana jeung gancang (id:kecepatan), luhurna beungeut zat cair, jeung tekenanna.[2] Sasaruaan anu geus dihasilkeun ku Bernoulli éta téh ogé bisa disebut minangka Hukum Bernoulli, nyaéta hukum anu bisa dipaké pikeun ngajelaskeun gejala anu aya hubunganana jeung gerakan zat alir ngaliwatan hiji penampang pipa.[2]

Sumber[édit | sunting sumber]

  1. a b c d e f g h (id)Biografi Daneil Bernoulli (diakses tanggal 10 November 2011)
  2. a b c (id)Hukum Bernoulli (diakses tanggal 10 Nopember 2011)
Nulis.jpg