David Copperfield (ilusionis)

Ti Wikipédia, énsiklopédia bébas
Luncat ka: pituduh, sungsi
David Copperfield (dipoto ku Liwag)

David Seth Kotkin atawa anu kasohor David Copperfield nya éta pesulap, jeung ilusionis anu lahir tanggal 16 Séptémber 1956 di Metuchen, New Jersey, Amerika Serikat[1]. David Copperfield kasohor ku aksina anu ngaleungitkeun Patung Liberty, hiber di Luhur Grand Canyon, kabur ti penjara Alcatraz]], jeung leumpang nembus Témbok Besar Cina[1]. Aksi sulap pertamana nya éta di kota asalna nalika umurna 12 taun, kamampuh sulapna ngaronjat pisan, malah mah nalika umur 16 taun, David kungsi ngalatih sulap di Universitas New York[2]. Bapana Copperfield ngaranna Hyman Kotkin alias Hy anu maot dina bulan Pébruari 2006 di San Diego, Kalifornia[1]. Hy sok maturan David nalika tur kuriling dunya, David sorangan nyieun situs web remember Hy pikeun mieling Bapana[1].

David minton di gedung-gedung téater jeung TV dina taun 70an, taun 1978, David dibéré acara sorangan anu ngaranna The Magic of David Copperfield[2]. Ieu acara meunang sababaraha panglélér di Amerika[2]. David diebutkeun ilusionis pertama anu bisa hiber teu maké tali[2]. Dina skala anu leuwih leutik, David pernah ngaleungitkeun 13 panongton anu dipilih sacara acak[2]. David Copperfield disebut islusionis pangkasohorna di Jaman ayeuna, taun 2000, ngaranna diabadikeun jadi légénda hirup dina Kongrés pabukon Amerika Serikat[2]. Daya irut universalna ditunjukkeun ku fakta yén David geus muncul dina opat perangko di Opat nagara anu béda[2].

Référénsi[édit | sunting sumber]

  1. a b c d [Profil David Copperfield] (diaksés tanggal 21 Nopémber 2011)
  2. a b c d e f g (en)[Biografi David Copperfield] (diaksés tanggal 21 Nopémber 2011)
Nulis.jpg