Deep Purple

Ti Wikipédia, énsiklopédia bébas
Luncat ka: pituduh, sungsi
Deep Purple (2004), ti kénca ka katuhu, Roger Glover, Ian Paice, Ian Gillan, Don Airey jeung Steve Morse

Deep Purple nya éta grup musik hard rock asal Inggris anu dibentuk taun 1968 di Hertfordshire ku Chris Curtis, Jon Lord, jeung Ritchie Blackmore[1]. Awalna ieu grup dingaranan Roundabout, sedengkeun ngaran Deep Purple sorangan dicokot ti judul lagu anu pangdipikaresepna ku ninina Ritchie Blackmore[1]. Chris Curtis kaluar saacan ieu grup ngarilis album, tuluy Jon jeung Ritchie ngajakan Nick Simper, Rod Evans, jeung Ian Paice[1].

Sababaraha ngaran musisi kasohor pernah jadi personil dina ieu grup, diantarana: dina posisi vokal aya David Coverdale jeung Joe Lynn Turner, sedengkeun di posisi bass aya Glenn Hughes jeung Tommy Bolin katut Joe Satriani dina posisi gitar[1]. Deep Purle geus naratas karirna salila 40 taun kalayan personil nu panganyarna nya éta Ian Gillan (vokal), Steve Morse (gitar), Roger Glover (bass), Don Airey (keyboard), jeung Ian Paice (drum)[1]. Deep Purple pernah kacutat salaku the world's loudest band dina buku rékor dunya, guiness[1].

Diskografi Album[édit | sunting sumber]

Deep Purple geus ngarilis loba album, diantarana: Shades of Deep Purple (1968), The Book Taliesyn (1968), Deep Purple (1969), Deep Purple in Rock (1970), Fireball (1971), Machine Head (1972), Who Do We Think We Are (1973), Burn jeung Stormbringer (1974), Come Taste The Band (1975), Perfect Strangers (1984), The House of Blue Light (1987), Slaves and Masters (1990), The Rages On... (1993), Purpendicular (1996), Abandon (1998), Bananas (2003), jeung Rapture of The Deep (2005)[2].

Référénsi[édit | sunting sumber]

  1. a b c d e f [Profil Deep Purple-kapanlagi.com] (diaksés tanggal 29 Nopémber 2011)
  2. (en)[Diskografi Album Deep Purple] (diaksés tanggal 29 Nopémber 2011)
Nulis.jpg