Detektif Conan

Ti Wikipédia, énsiklopédia bébas basa Sunda
Luncat ka: pituduh, sungsi

Detektif Conan nya éta salasahiji judul anime jeung manga nu judulna sarua.[1] Serial ieu dipigawé ku Aoyama Gosho-sensei sarta digarap ku studio Kadokawa Shoten.[1] Ieu serial mangrupa serial detektif sci-fi action adventure, nu mana carita na museur kana kahirupan hiji detektif, alurna hésé diteguh alatan logika urang kudu jalan nalika nongton ieu serial. [1]

Sinopsis[édit | sunting sumber]

Shinichi Kudo nya éta saurang detektif swasta nu nyuprih élmu di SMU Teitan.[2] [1] Manéhna mindeng nulungan pulisi dina nuntaskeun sawatara kasus kriminal.[2] [1] Hiji mangsa, Shinichi Kudo jeung papacanganana Ran Mouri keur nalungtik hiji kasus di taman hiburan.[2] [1] Salasahiji oknumna nya éta dua jalma nu maké jubah hideung, ngaranna Gin jeung Vodka. [2]
Shinichi nuturkeun dua jalma éta nepi ka pamustunganana mah manéhna kanyahoan tur diteunggeul nepi ka kapiuhan.[2] Gin jeung Vodka ngasupkeun obat ahéng kana awak Shinichi.[2] [1] Éta obat téh ngaranna Apotoxin-4869 (APTX-4869) nu ngabalukarkeun awak Shinichi robah jadi budak leutik umur 8 taun-an. [2]
Nalika Ran Mouri datang ka imah kulawarga Kudo.[1] Manéhna panggih jeung Shinichi leutik, tuluy nanyakeun ngaran éta budak.[1] Tungtungna, Kudo nyokot ngaran tina 2 novelist nu kasohor nya éta Sir Arthur Conan Doyle ( nu ngarang novel Sherlock Holmes) jeung Edogawa Rampo.[1] Tidinya ngaranna jadi Conan Edogawa. [1]
Conan dibéré barang-barang nu canggih ti Profesor Agasha kayaning dasi pangobah sora, sapatu super, anting telepon jeung sajabana sangkan manéhna leuwih gampang dina nalungtik jeung maluruh organisasi jubah hitam nu ngabalukarkeun manéhna jadi budak leutik.[1] Salian ti éta, Conan ogé cicing di imah detektif Mouri sangkan manéhna gampang manggihan kasus-kasus kriminal. [1]

Tokoh-tokoh dina Detektif Conan[édit | sunting sumber]

Referensi[édit | sunting sumber]

  1. a b c d e f g h i j k l m n o p q r s t u v w x y z aa ab ac ad ae af ag ah ai aj ak al am an Conan (Diakses tanggal 4 Nopember 2011) (id)
  2. a b c d e f g h i j k l Karakter Conan (Diakses tanggal 4 Nopember 2011) (id)


Nulis.jpg