Djuanda Kartawidjaja

Ti Wikipédia, énsiklopédia bébas
Luncat ka: pituduh, sungsi
Djuanda Kartawidjaja

Ir. R. Djuanda Kartawidjaja (Tasikmalaya, Jawa Kulon, 14 Januari 1911Jakarta, 7 Nopémber 1963) nyaéta Perdana Menteri Indonésia ka-11 sakaligus anu pamungkas. Anjeunna nyekel kalungguhan ti 9 April 1957 nepi ka 9 Juli 1959. Sanggeus éta anjeunna nyekel kalungguhan minangka Menteri Keuangan dina Kabinét Kerja I.

Djuanda Kartawidjaja nya éta tokoh nu pangseringna diuk di kabinét nepi ka 17 kali ti mimiti Menteri Muda Perhubungan nepi ka Menteri Utama. Sawangana kana masalah pangwangunan sarta ékonomi kalintang kacida gedéna. Anjeuna ngusahakeun sangkan bisa nyéhatkeun deui ékonomi nagara, ngaronjatkeun tatanén, ternak jeung kalautan sangkan hasilna bisa dirasakeun ku sakabéh masarakat. Iwal ti éta anjeuna minangka abdi nagara jeung masarakat nu gawé kalawan hadé sanajan lain pancéna.

Biografi[édit | sunting sumber]

Ir. H. R. Djoeanda Kartawidjaja (ejahan anyar: Juanda Kartawijaya) gumelar di Tasikmalaya, Jawa Barat, 14 Januari 1911 – tilar dunya di Jakarta, 7 Nopémber 1963 dina yuswa 52 taun nya éta Perdana Menteri Indonésia ka-10 ogé nu pamungkas. Anjeuna ngajabat ti 9 April 1957 nepi ka 9 Juli 1959. Sanggeus éta anjeuna ngajabat jadi Menteri Keuangan dina Kabinét Kerja I. Ir. H. Djuanda digumelarkeun di minangka anak munggatan ti Radén Kartawidjaja jeung Nyi Monat, ramana Mantri Guru di Hollandsch Inlansdsch School (HIS).[1] Atikan dasarna diréngsékeun di JIS tuluy pindah sakola ka sakola pikeun urang Éropa Europesche Lagere School (ELS), tamat taun 1924. Satuluyna ku ramana diasupkeun ka Sakola Menengah husus urang Éropa nya éta Hogere Burger School (HBS) di Bandung, sarta lulus taun 1929. DIna taun nu sarua anjeuna asup ka Technische Hoogeschool te Bandoeng (THS) kiwari Institut Teknologi Bandung (ITB) di Bandung, nyokot jurusan téknik sipil sarta lulus taun 1933. Mangsa ngora Djuanda dieusi ku organisasi non politik nya éta Paguyuban Pasundan jeung anggota Muhamadiyah sarta kungsi jadi pamingpin sakola Muhamadiyah. Karir satuluyna nya éta salaku pegawaé Departemen Pekerjaan Umum propinsi Jawa Barat, Hindia Belanda taun 1939.[2]

Rujukan[édit | sunting sumber]

  1. Pahlawan Nasional Indonesia disungsi kaping 15 April 2015
  2. Tokoh Indonesia disungsi kaping 14 April 2015