Dompét

Ti Wikipédia Sunda, énsiklopédi bébas
Dompét lalaki

Dompét nyaéta wadah duit, jaman baheula dompét téh dijieun tina anyaman pandan atawa huaan lembut tina awi pikeun wadah bako jeung daun kawung nu sok dipésakan lemesna tampékan.[1]

Asal Usul Dompét[édit | édit sumber]

Mangpaat tina dompet nyaéta ngamankeun duit sangkan rapih jeung teu amuradul.[2] Wangenan dompét numutkeun Encyclopedia Britannica mimitina tina istilah fiscus.[2] Istilah ieu dipaké ku bangsa Romawi pikeun wadah paranti ngumpulkeun duit kaisar.[2] Baheula mah duit téh dikumpulkeun dina karanjang jeung istilah béda dipakéna ku sabab geus aya juru simpen publik anu disebut aerarium.[2] Fiscus ieu téh ngumpulkeun duit ti propinsi-propinsi anu aya dina ka kuasaan kaisar Roma.[2] Dina masa Vespian aya istilah fiscus Alexandricus jeung fiscus Asiaticus pikeun némbongkeun dompét ti Afrika jeung ti Asia.[3] Ide dompét téh bisa jadi datangna ti indipidu unggal nagara atawa sabalikna, nu jelas mah dompét jadi wadah paranti nendeun duit pikeun kabutuhan sapopoé.[3] Ku sabab kitu dompét dirancang kalayan bentukna panjang sangkan lembaran nu di jero téh anger bentukna teu kusut, soéh jeung amburadul.[3] Tapi dompét bentuk panjang balukarna teu sakabéh eusina bisa asup.[3] Satuluyna rancangan dompét nyaéta bentukna ngalipet.[3]

Cara Milih Dompét[édit | édit sumber]

Pastikeun dompét téh saluyu jeung ukuran jeung pungsina.[4] Pastikeun ukurana saluyu jeung kantong sangkan teu pagedrug, pilih pésak-pésak dompetna naha cukup jeung kabutuhan saperti ATM, KTM, jrrd.[4] Ditilik tina bahanna pilih anu kualitasna alus jeung lembut, misalna bahan kulit atawa lawon.[4] désain, kudu disaluyukeun jeung modél dompét anu anyar jeung saluyu jeung umur.[4] Ayeuna mah geus nyampak dompét anu modélna rupa-rupa boh awéwé boh lalaki.[4]

Cara Ngarawat Dompét[édit | édit sumber]

Kualitas dompét teu ngajamin dompét éta awét ku sabab anu matak awét nyaéta cara maké jeung ngarawatna saperti dompét kudu jauh tina cai ku sabab cai ngabalukarkeun kulit dompét jadi moloplokan.[5] Kadua, singkahan nendeun dompét di saku tukang lantaran bakal ngarusak présisi tina dompét, jeung henteu alus pikeun tulang tukang jeung ngarusak kaputan dompét.[5]

catetan Archived 2022-03-13 di Wayback Machine[édit | édit sumber]

  1. Danadibrata,R.A.(2006).Kamus Basa Sunda.Bandung: Kiblat Buku Utama.
  2. a b c d e Sejarah Dompet[tumbu nonaktif](Dicutat tanggal 13 November 2011)
  3. a b c d e Asal Usul Dompet[tumbu nonaktif](Dicutat tanggal 13 November 2011)
  4. a b c d e Tips Memilih Dompet Berkualitas (Dicutat tanggal 13 November 2011)
  5. a b Bagaimana Cara Merawat Dompet?(Dicutat tanggal 13 November 2011)