Donal Éntog

Ti Wikipédia, énsiklopédia bébas
(dipindahkeun ti Donald Bébék)
Luncat ka: pituduh, sungsi
Donald Éntog

Donald Éntog atawa Donald Duck nya éta salasahiji tokoh animasi anu dipikaresep nepi ka ayeuna anu wangunna téh éntog[1]. Karakterna lucu jeung kalakuanana anu sok katerap ku sial sering nyieun panongton seuri[1]. Tapi donald bébék ogé digambarkeun salaku sosok emang anu nyaah jeung bageur ka alo-alona[1].

Sajarah Kamekaran Donald Éntog[édit | sunting sumber]

Tokoh animasi Donald Éntog kaasup tokoh animasi anu usiana geus bisa kaitung kolot[1].Tokoh kartun ieu mimiti aya taun 1934[1]. Ayana Donald bébék anu miboga karaktér lucu jadi salasahiji daya irut tokoh kartun ieu dipikaresep ku masarakat jeung jadi dipikawanoh ku masarakat saalam dunya. Donald Éntog mangrupa jieunan Walt Disney[1]. Donald Éntog mangrupa tuluyan tina seri Mickey Mouse anu geus dipikawanoh saméméhna[1].

Karakter Donald Duck[édit | sunting sumber]

Dina rupa-rupa film animasina Donald Éntog kadang-kadang digambarkeun salaku tokoh anu pedit, sok tau jeung sial waé[1]. Tapi aya ogé dina sababaraha épisode séjénna anu digambarkeun salaku tokoh anu soméah, bageur, jeung nyaah ka tilu urang alo-alona nya éta Kwek, Kwak, Kwik[1]. Sora jeung seurina Donald Éntog nu khas ngabalukarkeun tokoh ieu babari diinget[1]. Manéhna boga sesebutan Bébék malang ti mamangna Gober anu beunghar tapi pedit[1]. Donald bébék digambarkeun salaku anu maké baju kelasi atawa pamayang anu warnana biru ngora jeung maké topi pamayang anu khas[1].

Komik Donald Bébék[édit | sunting sumber]

Nalika kartun Donald Éntog aya dina mangsa kaemasanana di Amerika Serikat jeung di sakuliah dunya, komik-komik Donal boh anu mingguan atawa anu bulanan sarua kabawa kusabab dampak popularitasna anu paling hadé di nagara-nagara Éropah utamana di Norwegia jeung Finlandia, tapi ogé Denmark, Jerman, Italia,Walanda, jeung Swedia[2]. Lolobana éta komik diproduksi ku pausahaan Disney cabang Italia di Italia jeung ku pausahaan Disney Egmont di Denmark, Norwegia, Finlandia jeung Swedia[2]. Numutkeun data ngeunaan komik Disney di sakuliah dunya, komik-komik Amerika, Italia jeung Denmark disebarkeun ka sababaraha nagara[2]. Méh diantara kabéh nagara nu rék disebutkeun ieu publikasi ngeunaan komik ieu masih kénéh tuluy-tumuluy diantarana di: Australia, Amerika Serikat, Arab Saudi, Austria, Belgia, Walanda, Brazil, Bulgaria, Ceko, Denmark (Kepulauan Faroe), Estonia, Finlandia, Guyana, Hungaria, India, Indonesia, Inggris, Islandia, Israel, Italia, Jerman, Kolombia, Latvia, Lithuania, Meksiko, Mesir, Norwegia, Perancis, Polandia, Portugis, Romania, Russia, Slovenia, Spain, Swedia, Thailand, Republik Rakyat Cina, Turki, Yunani,jeung urut Yugoslavia[2].

Referensi[édit | sunting sumber]

  1. a b c d e f g h i j k l Donald Duck yang Lucu(Diakses 18 November 2011)
  2. a b c d Sejarah singkat dan awal pertama munculnya Komik Donald Duck(diakses ping 18 November 2011)
Nulis.jpg