Dorokdok
Dorokdok nyaéta kurupuk anu bahan dasrna tina kulit sapi jeung munding.[1] Rasana anu gurih jeung rangu.[1] Pusat produksi kurupuk kulit perenahna di TarogongGarut.[1] Dorokdok téh aya dua rupa nyaéta kurupuk kulit tina munding jeung tina kulit sapi.[1] Dorokdok nyaéta opieun, bentukna leutik saperti batu koral atawa karang laut, aya ogé anu gedé sagedé jemop indung suku.[2] Ieu kadaharan téh salain opieun bisa ogé jadi deungeun sangu, tapi leuwih kasohorna piekeun kurupuk dina baso atawa soto. Aah Hasannah, salah sahiji pengusaha kurupuk kulit Hikmah anu masih kénéh mroduksi dorokdok kulit munding.[1] Sanajan ayeuna mah munding téh geus méh langka alatan populasina anu nyaeueutikan.[1] Ayana kulit-kulit munding téh ti daérah Kalimantan, Palembang, jeung Lombok.[1] Dorokdok anu alus kualitasna nyaéta kulit munding anu jalu anu ngora kénéh ku cara dikulub.[1] Ku sabab lamun dibeuleum kulit munding anu kolot, ngora, jalu atawa bikang bisa dijadikeun bahan baku.[1] Aya sababaraha kurupuk kulit jeung dorokdok khas Garut kalayan ukuran anu béda-béda saperti sababaraha jenis méré k anu kasohor nyaéta Pada Sono, Pusaka, Pada Seneng, HWY, Hikmah, Iti Kurih.[2] Dingaranan dorokdok ku sabab nalika di dahar éta kurupuk téh ngaluarkeun sora ngerekes dodorodokan ku lantaran rangu pisan.[3]
Cara nyieun Dorokdok[édit | édit sumber]
Prosés nyieun éta dorokdok téh kawilang lila nyaéta 5 poé.[1] Mimitina pilih kulit munding jalu anu masih ngora kénéh.[1] Tuluy kulit munding téh dikereutan jadi 4-6 bagian pikeun ngagampangkeun tahap ngabersihkeunana.[1] Sanggeus kulit munding dipotongan, tuluy dibeuleum sangkan leungit bulu-buluna.[1] Tuluy dikeueuman salila dua poé tuluy dikumbah deui nepi ka bersih. Supaya kulitna hipu, kulit téh dikulub deui dina dreum anu gedé salila 10 jam ku suluh nepi ka éta kulit hipu.[1] Nalika dikulub éta téh geus dicampur ku bumbu-bumbu.[1] Bumbuna saperti bawang bodas, katuncar, asam jawa, uyah, gula beureum, jrrd. Kurupuk kulit Garut jeung dorokdok teu maké bahan panagwét jeung dijieuna kalawan higienis.[2] Saterusna kulit munding anu warnana konéng hérang dituuskeun terus di potongan panjang-panjang.[1] Tuluy dipoé nepi ka garing.[1] Lamun cuacana keur alus 3 poé ogé geus garing, tapi lamun cuacana keur goréng bisa nepi ka 5 poé.[1] Salah sahiji ciri kulit geus garing téh nyaéta kulitna jadi teuas.[1] Rasa dorokdok téh aya dua rasa nyaéta original jeung lada.[1] Anu lada biasana ditambahan ku gila beureum jeung cabé.[1] Sedengkeun lamu dorokdok sapi anu dipilih nyaéta sapi jalu supaya dorokdok téh beukah.[1] Kulit sapi anu dipaké nyaéta bagian jerona anu warna bodas.[1] Sapi anu kualitasna alus nyaéta sapi ti daérah Kalimantan, Sumatera, Madura jeung Sulawesi.[1] Kulit sapi anu geus disését tina kulitna, tuluy dikumbah nepi ka bersih.[1] Tuluy dikeueuman anu maké bumbu éta téh salila sapoé sapeuting[1]. Sanggeus kitu dipoé maké bumbu deui, posisi kulitna ditarik nepi ka.[1] Biasana lamun cuaca alus ngan 4 poé dipoéna téh.[1] Lamun cuasca goréng ulah waka dipoé ku sabab lamun ngan digaringkeun wungkul bakal mangaruhan kana rasa dorokdok jadi pait.[1] Ngagoréng dorokdok téh dua kali ngagoréng.[1] Ngagoréng ka hiji kulit ngan saukur dikeueum dina minyak kalapa anu seuneuna leutik.[1] Sanggeus kulit jadi beukah seuneu téh mimiti digedéan sangkan éta dorokdok jadi téréh beukahna.[1] Sanggeus kitu jait, dorokdok munding bakal ngaleutikan.[1] Tuluy ngagoréng anu kaduana ilahar ngagoréng kurupuk biasa sangkan éta kurupuk téh anger beukah.[1] Lamun dorokdok sapi sanggeus diasupkeun kana minyak kalapa anu teu pati panas téh dikeueum tuluy bakal robah jadi péot kacoklatan jeung saeutik beukah.[1] Sanggeus kitu jait tuluy tuuskeun tuluy poé deui.[1] Sanggeus dipoé digoréng deui nepi ka beukah jeung hasilna bakal leuwih bodas dibandingkeun dorokdok munding.[1]
catetan[édit | édit sumber]
- ↑ a b c d e f g h i j k l m n o p q r s t u v w x y z aa ab ac ad ae af ag ah ai aj ak Dorokdok, Si Seret Bikin Ketagihan[tumbu nonaktif] (Dicutat tanggal 22 Oktober 2011)
- ↑ a b c Renyahnya Kerupuk Kulit dan Dorokdok Garut (Dicutat tanggal 23 Oktober 2011)
- ↑ Dorokdok bukan kurupuk Dorokdok Archived 2012-01-10 di Wayback Machine (Dicutat tanggal 23 Oktober 2011)