Euis Komariah

Ti Wikipédia, énsiklopédia bébas
Luncat ka: pituduh, sungsi
Diamond-caution.png Artikel ieu perlu dirapihkeun sangkan luyu jeung baku artikel Wikipédia.
Ngarapihkeun artikel bisa mangrupa ngabagi artikel kana paragraf atawa ngawikifikasi artikel.
Sanggeus dirapihkeun, Anjeun bisa ngahapus ieu talatah.
Seniman Sunda
Euiskomariah.jpg
Wasta: Euis Komariah
Pakasaban: Juru tembang, juru kawih

Euis Komariah nyaéta salah saurang juru kawih tembang Sunda Cianjuran jeung juru kawih degung.

Karesepna kana tembang sunda geus dimimitian saprak manéhna leutik. Malahan mah dina umur 9 taun manéhna téh geus pinter nembangkeun tembang-tembang Sunda. Kelas 4 SD, anjeunna geus naék panggung jadi juru kawih.

Bakat Euis dipulas munggaran ku ku Ansorudin, pangaping pakumpulan seni sunda di kampungna, Cipeujeun, Pacét, Majalaya. Di dieu, Euis diajar sagala rupa seni Sunda, hususna kawih. Bakat sarta karesepna ieu terus diasah waktu manehna di SMP. ”Waktu éta manéhna ngamimitian siaran di RRI, hususna siaran Angkatan Bersenjata dimana nu ngajentréngkeun kacapina mang Ebar sarta nu niup sulinga mang Engkos. Saprak wawuh jeung mang Ebar, euis mimiti mikawanoh sarta bisa nembangkeun tembang Sunda cianjuran.

Sajumlah pasanggiri tembang Sunda kungsi dipiluan. Dina ampir saban pasanggiri anu dipiluan, pamajikan koréografer Sunda nu kawenta – Gugum Gumbira – ieu sok jadi jawara. Tapi anu pangnapelna dina haté manéhna mah nyaéta pasanggiri anu diayakeun ku Damas dina taun 1962, mangsa éta manéhna karék umur 13 taun. ”Dina kategori tembang Sunda cianjuran ieu manéhna jadi jawara kadua. Memang, waktu éta Euis kakara mimiti miluan pasanggiri, sumawona tembang Cianjuran tacan lila diteuleuman. Pasanggiri Damas dua taun saterusna, 1964, rada istiméwa pikeun menéhna, alatan sakaligus miluan leuwih ti hiji katégori. Di dieu manéhna hasil meunangkeun sababaraha piala. Taun 1977 nyaéta taun pamungkas pikeun Euis miluan pasanggiri.

Sora indung ti opat anak awéwé ieu kacida halimpu. Sipat sorana pas pikeun nembangkeun tembang Sunda. Ngaliwatan grup seni Sunda ”Dewi Pramanik” tuluy ”Jugala” – grup seni Sunda sarta studio rékaman anu diadegkeun babarengan jeung salakina – Euis ngarékam tembang, kawih sarta degung. Sajaba ti éta, Euis ogé nyieun sababaraha lagu, anu kawéntar diantarana nyaéta Kutamaya.

Minangka guru mamaos, euis dipikawanoh tulatén nungtun murid-muridna dina ngawasa téknik vokal. Sawatara pangajén widang kasenian ditarima ku Euis. Dina taun 1988 manéhna dibawa ku Nano S. ngirilingan dayeuh-dayeuh di Jepang.

Tanggal 11 Agustus 2011, euis ngantunkeun urang sadayana, di kuburkeun di kampung halaman anjeunna, desa wangi sagara, majalaya.

Tempo ogé[édit | sunting sumber]

Rujukan[édit | sunting sumber]

  1. Apa dan Siapa Orang Sunda, Ajip Rosidi

Tumbu kaluar[édit | sunting sumber]