Eurih

Ti Wikipédia Sunda, énsiklopédi bébas
Eurih
Eurih 'Red Baron' di hiji patamanan
Boston, Massachusetts garden
Klasifikasi ilmiah
Karajaan:
(unranked):
(unranked):
(unranked):
Ordo:
Kulawarga:
Génus:
Spésiés:
I. cylindrica
Ngaran binomial
Imperata cylindrica

Eurih (Imperata cylindrica) nyaéta hiji spésiés jukut ti genus Imperata, subfamili Panicoideae, supertribe Andropogonodae, tribe Andropogonéae. [1] Eurih mibanda ngaran daérah nu béda-béda: laturui (Aceh), lalang (Melayu), alang, (Minangkabau), kambengan (Jawa), reja (Makasar), padanga (Gorontalo), gombur (Papua).[2][3][4]

Ciri-ciri[édit | édit sumber]

Jukut eurih miboga ciri anu khas pisan, di mana tungtung atawa pucuk dauna nyungcung saperti cucuk.[5] Batangna pendék nangtung ka luhur jeung aya kembangan.[5] kembangna kadang warna beureum kaunguan.[5] eurih biasana tumuwuh jangkung antara 0,2 nepi ka 1,5 méter bisa ogé leuwih.[5] daunna ngagaris saperti pita panjang jeung tungtungna nyungcung, di mana pangkalna heureut saperti talang anu panjangna 12–80 cm.[5] tungtungna kasar pisan bari rérégéan, bulu panjang dina pangkalna, tulang daunna lébar.[5]

Sumebar[édit | édit sumber]

Eurih bisa gancang réproduksi, maké binih-binihna anu gancang sumebar kabawa angin, atawa liwat rimpangna anu nembus gancang kana taneuh anu gembur.[5] Lalawanan jeung asumsi umum, eurih teu resep tumuwuh dina taneuh anu miskin, garing atawa loba batuan.[5] Jukut ieu resep kana taneuh anu cukup subur, loba kakeunaan cahya panon poé nepi ka rada iuh , dina kaayaan lembap atawa garing.[5] di taneuh-taneuh anu becrek atawa kakeueum, atawa anu osok kaiuhan, eurih ogé henteu daékeun tumuwuh.[5] gulma ieu bakal langsung nempatan urut leuweung anu ruksak sarta kabuka, sésa kebon, sawah anu garing, sisi jalan jeung sajabana.[5] di sababaraha tempat kawas kitu eurih bisa tumuwuh nguasaan sarta nutupan aréal anu lega.[5] Nepi ka skala nu tangtu, kahuruan végétasi bisa ngarangsang perkembangan eurih, pucuk-pucuk eurih anu tumuwuh sanggeus kahuruan dipikaresep ku sasatoan tukang dahar jukut, nepi ka lahan sésa kahuruan sajinis ieu osok dipaké salaku tempat buburu.[5] Eurih sumebar sacara alami ti mimiti India nepi ka Asia Wétan, Asia tenggara, éropa, Amérika, Afrika, sarta di sabagian kapuloan.[5] Tatapi ku lantaran sifat pasifna éta, teu loba tempat-tempat eurih éta dianggap salaku gulma anu ngarépotkeun.[5]

Kandungan kimia[édit | édit sumber]

Sababaraha sanyawa kimia nu dipibanda dina tangkal eurih: Manitol, sakarosa, glukosa, silosa, fruktosa, asam malat, asam sitrat, asam oksalat, kaiksol, arundoin, silindrin, fernenol, simiarenol, dan anemonin.[2] Sifat kimiawi jeung éfék farmakologis : ngubaran saluran kahampangan (kantong kemih radang jeung batu ginjal), nurunkeun panas keur galingging, sarta ubar pikeun raheut jeung sariawan sangkan getihna gancang saat.[2]


Mangfaat Eurih[édit | édit sumber]

Eurih osok dimangfaatkeun pikeun ngajaga lahan terbuka nu gampang keuna érosi.[5] eurih boga kamampuan gancang tumuwuh, jalinan rimpang eurih anu aya dina taneuh, jeung rapetna daun-daun eurih jadi pangjaga anu alus.[5] Di Indonésia wetan saperti Bali, daun eurih sok digaringkeun pikeun jadi bahan baku hateup imah atawa wangunan liana.[5] Salian ti éta, bisa ogé dipaké mulsa pikeun ngajaga taneuh di lahan tatanén.[5]

Rujukan[édit | édit sumber]

  1. Jonathan, Rigg (1862). A Dictionary of the Sunda Language of Java. Universitas Harvard: Bataviaasch Genootschap van Kunsten en Wetenschappen. 
  2. a b c Hembing, Prof; Wijayakusuma (2012). Atasi ASAM URAT & REMATIK ala Hembing. Jakarta: Niaga Swadaya. p. 21. ISBN 9789793833842. 
  3. Damayanti, Dewi; dr Prapti utami, Novi Widianti, Nina Wulandari, Agung Sugiarto, Tinton Dwi Putra (2008). Buku Pintar Tanaman Obat: 431 jenis tanaman penggempur aneka penyakit. Jakarta: AgroMedia. p. 63. ISBN 9789790061941. 
  4. Hasskarl, Justus Karl (1845). Hasskarl. Universitas Oxford: J. Müller. p. 1.  Disungsi6 Juli 2023
  5. a b c d e f g h i j k l m n o p q r s (id)Mengenal Alang-alang Archived 2015-01-04 di Wayback Machine diakses 21 Juli 2015

Tumbu kaluar[édit | édit sumber]


Wikimedia Commons logo
Wikimedia Commons logo
Wikimedia Commons mibanda média séjénna ngeunaan