Facebook

Ti Wikipédia, énsiklopédia bébas
Luncat ka: pituduh, sungsi

Facebook nyaéta ramatloka jaringan sosial anu dipedalkeun dina 4 Pebruari 2004 sarta diadegkeun ku Mark Zuckerberg, saurang lulusan Harvard. Kaanggotaanana mimitina diwatesan keur para siswa Harvard College. Dua bulan saterusna, kaanggotaanana dilegaan ngawengku sakola séjén di wewengkon Boston (Boston College, Boston University, MIT, Tufts), Rochester, Stanford, NYU, Northwestern, sarta kabéh sakola anu jadi anggota Ivy League. Satuluyna, loba paguron luhur séjén anu diasupkeun jadi anggota dina mangsa sataun sanggeus diadegkeunana ramat loka ieu. Pamustunganana, jalma-jalma anu ngabogaan alamat surat éléktronik atawa email sahiji universitas (kawas .edu, .ac.uk, dll) ti sakumna dunya bisa ogé ngagabung jeung ramat loka ieu.

Saterusna, ieu ramat loka dimekarkeun sahingga ngawengku ogé sakola-sakola tingkat luhur sarta sawatara pausahaan badag. Saprak 11 Séptémber 2006, jelema nu boga email naon waé bisa ngadaptar pikeun jadi anggota Facebook. Pamaké bisa milih pikeun ngagabung jeung hiji atawa leuwih ramat loka anu sadia, kawas ramat loka nu dumasar kana sakola tingkat luhur, tempat gawé, atawa wewengkon géografis.

Nepi ka bulan Juli 2007, ramat loka ieu ngabogaan jumlah pamaké panglobana ti antara ramat-ramat loka jaringan sosial lianna kalayan leuwih ti 34 juta anggota aktip anu boga tumbu kana eta website ti sakuliah dunya. Ti bulan Séptember 2006 nepi ka bulan Séptember 2007, réngkingna naék ti posisi ka-60 ka posisi ka-7 ti antara ramat loka anu panglobana didatangan, sarta mangrupakeun ramat loka nomer hiji pikeun poto di Amérika Sarikat, ngungkulan loka umum séjénna kawas Flickr, kalayan 8,5 juta poto nu dimuat saban poéna.

Rujukan[édit | sunting sumber]

Tumbu ka luar[édit | sunting sumber]

Nulis.jpg