Géoglif Nazka

Ti Wikipédia, énsiklopédia bébas
Luncat ka: pituduh, sungsi
Poto udara géoglif Nazka nu ngagambarkeun manuk

Géoglif Nazka nujul ka géoglif raksasa nu aya di tegalan Nazka, pasir datar nu manjang ti kota Nazka nepi ka Palpa nu jauhna 53 mil, di Pampas de Jumana, Péru. Ieu géoglif dijieun ku kabudayaan Nazka antara 200 SM jeung 600 M. Di tempat éta aya ratusan gambar, ti mimiti garis basajan nepi ka gambar kolibri, lancah, monyét, jeung kadal. Kusabab ukuranana raksasa, bungkeuleukan gambar-gambar ieu ukur bisa ditempo ti udara. Kusabab kitu, nepi ka kiwari masih dipadungdengkeun ngeunaan kamampuh jeung motivasi urang Nazka nyieun ieu karya.

Papanggihan[édit | sunting sumber]

Poto udara gambar kolibri.

Anu munggaran nyebut-nyebut sababaraha karya Nazka téh Pedro de Cieza de León taun 1547. Manéhna medar sababaraha glif nu digambar dina gawir sahingga bisa katempo ti darat.

Dina mangsa modéren, ieu karya mimiti kanyahoan nalika ayana kapal udara nu hiber luhureun tegalan Péru taun 1920-an. Taun 1927, Toribio Mejia Xespe, dokter sakaligus ahli antropologi Péru mimiti kataji pikeun sacara ilmiah nalungtik nu ku manéhna sorangan disebut "artéfak agung upacara Ingka".

Survéy sistimatik jeung ilmiah ngeunaan glif Nazka mitambeyan dijalankeun taun 1930-an, dipingpin ku Paul Kosok jeung Maria Reiche. Reiche lajeng mingpin ieu panalungtikan ti taun 1946 nepi ka pupusna taun 1998. Hasil tarékahna nyaéta ku dijadikeunana ieu situs salaku Situs Warisan Dunya UNESCO taun 1995. Ti harita, panalungtikan migunakeun poto udara jeung satelit beuki giat. Hasilna, Cahuachi, hiji kota Nazka, kapanggih di sabudeureun sisi pasirna. Ieu kota diwangun kira 2.000 taun ka tukang, tapi lajeng ditinggalkeun 500 taun salajengna.

Rujukan[édit | sunting sumber]

  • Nazca Lines, Wikipédia édisi basa Inggris (10 Agustus 2006)
  • Aveni, Anthony F. (ed.) (1990). The Lines of Nazca. Philadelphia: American Philosophical Society. ISBN 0-87169-183-3
  • Aveni, Anthony F. (2000). Between the Lines. Austin Texas: University of Texas Press. ISBN 0-292-70496-8
  • Bauer, Susan Wise (2001). The Story of the World, Vol. 1. Peace Hill Press. ISBN 0-9714129-0-1
  • Lambers, Karsten (2006). The Geoglyphs of Palpa, Peru: Documentation, Analysis, and Interpretation. Lindensoft Verlag, Aichwald/Germany. ISBN 3-929290-32-4

Tumbu kaluar[édit | sunting sumber]

Situs Warisan Dunya di Péru
Arequipa | Zona Arkéologi Chan Chan | Chavin (Situs Arkéologis) | Cusco | Huascarán | Lima | Garis jeung Géoglif Nazca jeung Pampas de Jumana | Manú | Rio Abiseo | Kabuyutan Machu Picchu


Nulis.jpg