GPRS

Ti Wikipédia, énsiklopédia bébas
Luncat ka: pituduh, sungsi
Standar
telepon mobil jeung data
Kulawarga GSM / UMTS
2G
3G
Pre-4G
Kulawarga cdmaOne / CDMA2000
2G
3G
Pre-4G
Tehnologi sejen
0G
1G
2G
Pre-4G
Pita frékuénsi

General Packet Radio Service (GPRS) nyaéta layanan data mobil anu ngagunakeun sistem komunikasi packet switch minangka cara pikeun nganteurkeun datana. Packet switch nyaéta hiji sistem di mana data anu baris dianteurkeun dibagi jadi bagian-bagian leutik (pakét) tuluy dianteurkeun sarta dirobah jadi data sakumaha asalna. Sistem ieu bisa nganteurkeun rébuan malah jutaan pakét tiap detikna. Pangiriman data dipigawé ngaliwatan PLMN (Public Land Mobile Network) kalayan ngagunakeun jaringan tulang tonggong protokol Internét (bahasa Inggris: IP backbone).

Layanan GPRS disadiakeun pikeun pamaké telepon sélulér Global System for Mobile Communications (GSM) jeung IS-136 sanajan jaringaan GPRS misah ti GSM. GPRS bisa dipaké pikeun layanan saperti aksés Wireless Application Protocol (WAP), Short Message Service (SMS), Multimedia Messaging Service (MMS), sarta pikeun layanan dina komunikasi Internét saperti aksés émail jeung World Wide Web. Sistem sélulér 2G anu digabungkeun jeung GPRS mindeng disebut "2.5G", nyaéta hiji téknologi telepon sélulér antara generasi kadua (basa Inggris: 2nd generation atawa 2G) jeung generasi katilu (basa Inggris: 3rd generation atawa 3G). Ieu téknologi nyadiakeun laju pamindahan data anu sedeng. GPRS diintegrasikeun kana GSM Release 97 sarta kaol standar GSM lianna anu leuwih anyar. Awalna ieu standar téh dipigawé ku European Telecommunications Standards Institute (ETSI), tapi ayeuna dipigawé ku 3rd Generation Partnership Project (3GPP).

Dina téorina GPRS nawarkeun laju data ti 56 kbps nepi ka 114 kbps, sahingga ngamungkinkeun aksés internet, pengiriman data multimedia ka komputer, komputer jingjing sarta terminal telepon seluler. Tapi, dina prak-prakanana, hal kasebut pohara gumantung kana faktor-faktor:

  • Konfigurasi sarta alokasi time slot dina level BTS
  • Software anu dipaké
  • Pangrojong fitur sarta aplikasi terminal telepon seluler anu dipaké

Ieu ngécéskeun ku naon dina waktu-waktu nu tangtu sarta di patempatan nu tangtu pangiriman data dina GPRS karasana laun, malah leuwih laun manan pangiriman data ngaliwatan jaringan switch circuit nu boga laju data 9,6 kbps.

Komponén-komponén utama jaringan GPRS nyaéta:

  • GGSN (Gateway GPRS Support Node): gerbang panyambung jaringan GPRS kana jaringan Internét. Guna komponén ieu téh salaku antarmuka ka jaringan data publik (Public Data Network - PDN), ngaruteukeun informasi, network screening, user screening, jeung address mapping.
  • SGSN (Serving GPRS Support Node): gerbang panyambung jaringa sélulér ka jaringan GPRS. Komponén ieu boga guna pikeun nganteurkeun pakéet data ka terminal telepon sélulér, ngasupkeun data langganan kana HLR, sarta registrasi langganan anyar.
  • PCU: komponén di level BSS dina jaringan sélulér anu nyambungkeun terminal ka jaringan GPRS

Pangiriman data dina GPRS umumna dipénta bayaran pikeun tiap kilobyte data anu dipindahkeun, samentara dina komunikasi data nu ngaliwatan circuit switch tradisional, pangiriman data ditagih dumasar jumlah menit waktu sambungan, henteu maliré naha pamaké bener-bener geus mindahkeun data atawa henteu (dina kaayaan nganggur).

Dasar-dasar[édit | sunting sumber]

WAP ngan sakadar hiji gapura (gateway) anu dipaké pikeun asup (aksés) ka Internét ngaliwatan telepon sélulér sarta sabalikna. Biasana, data anu dikirimkeun ngaliwatan GPRS téh ditagih dumasar jumlah kilobyte informasi anu dikirim jeung ditarima, sedengkeun sambungan data circuit-switchditagih dumasar jumlah detik pamakéan. Tagihan dumasar jumlah waktu pamakéan mah henteu éfisién lantaran mangsa euwueh data anu dipindahkeun, jalur data nganggur sarta henteu dibikeun ka calon pamaké jalur data lianna nu ngabutuhkeun.

Métoda aksés leuwih ti hiji (multiple access method) anu digunakeun dina GSM anu dilengkepan ku GPRS didasarkeun kana frequency division duplex (FDD) jeung FDMA. Dina pamakéan ieu téknologi, pamaké dibéré sapasang channel frékuénsi up-link jeung down-link. FDD jeung FDMA ieu dicampur jeung statistical multiplexing domain waktu, nyaéta komunikasi mode pakét, anu ngamungkinkeun sababaraha pamaké babagi channel frékuénsi anu sarua. Pakét-pakét kasebut boga panjang anu tetep, luyu jeung hiji slot waktu GSM. Frékuénsi down-link ngagunakeun jajadwalan pakét first-come first-served, sedengkeun frékuénsi up-link maké pola anu sarua jeung reservation ALOHA.

GPRS mimitina (dina téori) ngarojong sambungan Internet Protocol (IP), Point-to-Point Protocol (PPP) katut X.25. Sambungan X.25 ilaharna digunakeun pikeun panerapan saperti terminal babayar nirkabel, sanajan X.25 geus dihapus tina standar. X.25 masih bisa dipaké dina PPP, atawa malah IP, tapi makéna mibutuh hiji router pikeun ngalakukeun encapsulation atawa intelejénsi kana terminal palanggan. Dina prakték, lamun digunakeun browser pikeun alat nu bagerak (mobil) mangka kudu digunakeun IPv4. Dina modél kieu, PPP mindeng ditarima ku operator telepon mobil, sedengkeun IPv6 henteu acan populér. Tapi lamun terminal mobil digunakeun salaku modem nu disambungkeun kana komputer, mangka PPP dipaké pikeun nyambungkeun IP kana telepon. Hal ieu ngamungkinkeun DHCP pikeun méré alamat IP Address jeung balukarna make IPv4 lantaran alamat IP anu digunakeun dina alat nu bagerak condong lumaku dinamis.

Kelas Kapabilitas (Kabisa)[édit | sunting sumber]

Kelas A 
bisa disambungkeun kana layanan GPRS jeung layanan GSM (sora, SMS), ngagunakeun duanana dina waktu nu bareng.
Kelas B 
bisa disambungkeun kana layanan GPRS jeung layanan GSM (sora, SMS), tapi ngan ngagunakeun salasahijina dina waktu tinangtu. Salila maké layanan GSM, (sora jeung SMS), layanan GPRS ditunda heula, saenggeus layanan GSM (sora jeung SMS) réngsé, layanan GPRS bisa diteruskeun sacara otomatis. Kalolobaan alat terminal GPRS ngarupakeun Kelas B.
Kelas C 
disambungkeun kana layanan GPRS jeung layanan GSM (sora, SMS). Pamakéan layanan GPRS jeung GSM diatur dipindah-pindah sacara manual (ku leungeun).

Alat anu bener-bener kelas A dikudukeun mancarkeun sinyal dina dua frékuénsi nu béda dina waktu nu bareng, sahingga merlukeun dua radio. Pikeun nyumponan sarat nu mahal ieu, telepon mobil GPRS bisa maké kaistiméwaan (basa Inggris: feature) dual transfer mode (DTM).

Kelas multislot[édit | sunting sumber]

Model lima-lapis TCP/IP
5. Lapis aplikasi

DHCP · DNS · FTP · Gopher · HTTP · IMAP4 · IRC · NNTP · XMPP · POP3 · SIP · SMTP · SNMP · SSH · TELNET · RPC · RTCP · RTSP · TLS · SDP · SOAP · GTP · STUN · NTP · (more)

4. Lapis transpor
TCP · UDP · DCCP · SCTP · RTP · RSVP · IGMP · (more)
3. Lapis jaringan/Internét
IP (IPv4 · IPv6) · OSPF · IS-IS · BGP · IPsec · ARP · RARP · RIP · ICMP · ICMPv6 · (more)
2. Lapis tumbu data
802.11 (WLAN) · 802.16 · Wi-Fi · WiMAX · ATM · DTM · Token ring · Ethernet · FDDI · Frame Relay · GPRS · EVDO · HSPA · HDLC · PPP · PPTP · L2TP · ISDN · ARCnet · (more)
1. Lapis fisik
Ethernet physical layer · Modems · PLC · SONET/SDH · G.709 · Optical fiber · Coaxial cable · Twisted pair · (more)
Kotak ieu: temposawalaédit

Laju data dina GPRS boga hubungan langsung jeung jumlah sesela waktu (time slot) TDMA anu dibikeun. Kamampuh maksimum alat telepon mobil dinyatakeun dina kelas-kelas anu disebutGPRS Multislot Class[1][2].

  Multislot Class     Slot downlink     Slot uplink     Slot aktif  
1 1 1 2
2 2 1 3
3 2 2 3
4 3 1 4
5 2 2 4
6 3 2 4
7 3 3 4
8 4 1 5
9 3 2 5
10 4 2 5
11 4 3 5
12 4 4 5
13 3 3 Teu sadia
14 4 4 Teu sadia
15 5 5 Teu sadia
16 6 6 Teu sadia
17 7 7 Teu sadia
18 8 8 Teu sadia
19 6 2 Teu sadia
20 6 3 Teu sadia
21 6 4 Teu sadia
22 6 4 Teu sadia
23 6 6 Teu sadia
24 8 2 Teu sadia
25 8 3 Teu sadia
26 8 4 Teu sadia
27 8 4 Teu sadia
28 8 6 Teu sadia
29 8 8 Teu sadia
30 5 1 6
31 5 2 6
32 5 3 6
33 5 4 6
34 5 5 6
35 5 1 6
36 5 2 6
37 5 3 6
38 5 4 6
39 5 5 6
40 6 1 7
41 6 2 7
42 6 3 7
43 6 4 7
44 6 5 7
45 6 6 7

Kelas multislot GPRS anu paling ilahar:

Kelas 2 
standar minimal.
Kelas 4 
download 50% leuwih gancang manan Kelas 2.
Kelas 6 
upload leuwih alus manan Kelas 4.
Kelas 8 
download 33% leuwih gancang manan Kelas 4 jeung Kelas 6.
Kelas 10 
upload leuwih alus manan Kelas 8.
Kelas 12 
standar pangalusna, kalayan unjuk gawé upload anu maksimum.

Pola pangkodeuan[édit | sunting sumber]

 Pola;
pangkodeuan
 Laju 
(kbit/det)
CS-1 8.0
CS-2 12.0
CS-3 14.4
CS-4 20.0

Laju pamindahan data gumantung ogé kana cara pangkodeuan kanal anu digunakeun. Pola pangkodeuan anu kurang aman tapi panggancangna (CS-4) digunakeun lamun handset deukeut base transceiver station (BTS), sedengkeun pola pangkodeuan nu paling aman (CS-1) digunakeun mangsa handset jauh ti BTS.

Pamakéan CS-4 ngamungkinkeun palanggan ngahontal laju 20.0 kbit/det dina tiap time slot. Ngan, ngagunakeun cara ieu téh ngabalukarkeun kurangna wengkuan hiji sél turun nepi ka 25% ti kaayaan normal. CS-1 ngan bisa ngahontal laju 8.0 kbit/det pikeun tiap time slot, tapi boga kamampuh ngawengku 98% tina cakupan normal. Alat jaringan telekomunikasi anu leuwih anyar bisa ngaluyukeun laju pamindahan data sacara otomatis gumantung kana lokasi handset.

Sarua jeung CSD, HSCD ngagunakeun circuit-switched sarta langganan biasana ditagih dumasar kana jumlah menit. Pikeun hiji aplikasi saperti download, HSCSD mungkin leuwih dipisuka, lantaran data circuit-switched biasana dibéré prioritas leuwih manan data packet-switched dina hiji jaringan sélulér atawa jaringan mobil.

 Téknologi   Download (kbit/det)   Upload (kbit/det)   Konfigurasi 
CSD 9.6 9.6 1+1
HSCSD 28.8 14.4 2+1
HSCSD 43.2 14.4 3+1
GPRS 80.0 20.0 (Kelas 8 & 10 jeung CS-4) 4+1
GPRS 60.0 40.0 (Kelas 10 jeung CS-4) 3+2
EGPRS (EDGE) 236.8 59.2 (Kelas 8, 10 jeung MCS-9) 4+1
EGPRS (EDGE) 177.6 118.4 (Kelas 10 jeung MCS-9) 3+2

GPRS dumasar kana pakét data. Mangsa TCP/IP digunakeun, tiap handset bisa mibanda hiji atawa leuwih IP address. GPRS baris nyimpen sarta ngirimkeun pakét-pakét IP kana handset dina waktu handover (mangsa langganan pindah ti hiji sél ka sél lianna).

Layanan jeung hardware[édit | sunting sumber]

GSM nu make GPRS bisa nyadiakeun:

  • Layanan Multimedia Messaging Service (MMS)
  • Aplikasi Internet pikeun Alat Pinter ngaliwatan Wireless Application Protocol (WAP)
  • Layanan Point-to-point (PTP): internetworking jeung Internet (protokol IP)
  • Layanan pesen singket atawa Short Message Service (SMS)
  • Tambahan kamampuh dina mangsa nu bakal datang: fleksibel pikeun nambahkeun fungsi-fungsi anyar, saperti kapasitas anu leuwih badag, pamaké anu leuwih réa, aksés anyar, protokol anyar, jaringan radio anyar.

Modem GPRS USB[édit | sunting sumber]

Modem GPRS USB ngagunakeun interface nu mirupa terminal USB 2.0 jeung vérsi nu leuwih anyar, format data V.42bis, sarta RFC 1144 jeung anteneu éksternal. Modem bisa disupkeun dina jero kartu (pikeun laptop) atawa alat USB éksternal anu wangun jeung ukuranna sarua jeung mouse komputer.

GPRS bisa digunakeun sabagé bearer pikeun SMS. Lamun urang ngirim SMS dina GPRS, urang bisa ngahontal laju pangiriman SMS 30 pesen SMS per menit. Laju ieu leuwih gancang manan pangiriman SMS dina GSM, nu lajuna kira-kira 6 nepi ka 10 pesen SMS per menit.

Tempo ogé[édit | sunting sumber]

Rujukan[édit | sunting sumber]

  1. "3GPP Specification 45.002". 3GPP. Diakses pada 25 Oktober 2007. 
  2. "GSM World". Diakses pada 17 Nopémber 2007. 

Tumbu ka luar[édit | sunting sumber]