Garasi (grup musik)

Ti Wikipédia Sunda, énsiklopédi bébas
Garasi Band

Garasi nyaéta band anu dibentuk ahir taun 2005.[1] Nalika mimiti aya, Garasi diwangun ku 3 anggota nyaéta Ayu Ratna (vokal, gitar), Fedi Nuril (Keyboard, Gitar) jeung Aries Budiman (drum).[1] Tilu personil Garasi ieu diusulkeun ku musisi Indra Lesmana ka lanceukna, Mira Lesmana.[2] Ayu nu mimitina mah miluan audisi Indonesian Idol tapi henteu lolos, dirékoméndasikeun ku Indra Lesmana sangkan dikésting ku Mira Lesmana.[2] Sedengkeun Aries mah mindeng ilubiung dina unggal féstival musik nepi ka meunangkeun jujuluk best drummer.[2] Fedi Nuril nu saméméhna kasohor minangka béntang iklan jeung aktor, meunangkeun kapercayaan pikeun nyekel posisi keyboard sakaligus gitar.[2]
Teu siga band lianna, lahirna Garasi bareng jeung rilis pilem layar lébar kalawan setting grup Garasi.[1] Pilem nu dibéré judul Garasi ieu diproduseran ku Mira Lesmana sarta didukung ku sawatara artis kayaning Arie Dagienkz, Mahendra Desta jeung Syaharani.[1] Albeum munggaranana diédarkeun bareng jeung kaluarna pilem Garasi.[1]
Garasi ngarilis albeum kaduana dina tanggal 7 Juli 2008.[1] Salian ti éta dina taun nu sarua, Garasi ogé ngeusian soundtrack pilem Laskar Pelangi.[1] Awal taun 2009, Ayu Ratna kaluar ti kaanggotaan Garasi.[1] ti saprak Ayu kaluar, posisi vokal digantikeun ku Fedi Nuril.[1] Lantaran butuh vokalis, Garasi ngayakeun audisi nu sipatna tertutup nepi ka meunangkeun Higin minangka vokalis anyar di Garasi.[1] Salian ti ngangkat vokalis anyar, Garasi ogé ngangkat Wembri minangka pamaén bass.[1]

Diskografi[édit | édit sumber]

Filmografi[édit | édit sumber]

Referensi[édit | édit sumber]

  1. a b c d e f g h i j k Garasi Band (Diakses tanggal 3 Desember 2011) (id)
  2. a b c d Profil Garasi[tumbu nonaktif] (Diakses tanggal 3 Desember 2011) (id)