Gelombang pamawa

Ti Wikipédia, énsiklopédia bébas
Luncat ka: pituduh, sungsi

Gelombang pamawa (Basa Indonésia: gelombang pembawa, Basa Inggris: carrier wave, Basa Walanda: draaggolf) nyaéta wangun gelombang (biasana sinusoida) anu dimodifikasi (ditumpangan sinyal informasi) pikeun ngawakilan informasi anu dianteurkeun. Gelombang pamawa ieu biasana miboga frékuénsi anu jauh leuwih luhur (gancang) batan sinyal anu ngandung informasina.

Dina siaran radio, gelombang pamawa dipaké ku pakakas pangirim (transmitter) waktu ngirimkeun isarat (sinyal) ngaliwatan rohangan bébas atawa bahan tinangtu (contona cai pikeun komunikasi kapal selam) sahingga isarat kasebut bisa dipikangarti ku hiji pakakas panarima (receiver).

Pikeun pengiriman isarat sora (voice), aya dua wanda modulasi anu ilhar dipaké nyaéta modulasi frékuénsi atawa Frequency Modulation (FM) sarta modulasi amplitudo atawa amplitude modulation (AM). Sora dina FM atawa AM dikirimkeun kalayan bantuan gelombang pamawa. Pangiriman isarat gambar (image) ngagunakeun modulasi Vestigial-sideband modulation (VSB) anu mangrupa varian ti Single-sideband modulation (SSB). Modulasi SSB réa dipaké dina komunkasi handy talky.

Sanggeus gelombang pamawa dimodulasi (ditumpangan) ku isarat, mangka baris lumangsung dibangkitkeeun frékuénsi harmonik (harmonic frequency) anu lega. Harti lega di dieu nyaéta réa. Dina modulasi VSB sarta modulasi SSB, kalolobaan frékuénsi gelombang pamawa ditambah frékuénsi harmonikna sarta disaring atawa ditapis pikeun ngahémat rubakpita (bandwidth).

Frékuénsi hiji setasiun radio, contona radio SUARA METRO Jakarta nu boga frékuénsi 107,8 MHz, sabenerna mah mangrupa frékuénsi ti gelombang pamawa anu dipaké. Gelombang pamawa ieu henteu meunang sambarangan, tapi kudu meunang idin ti regulator telekomunikasi di Indonésia, dina ha lieu Direktorat Jenderal Pos dan Telekomunikasi.

Sawatara padika komunikasi radio panganyarna henteu deui ngagunakeun gelombang pamawa nu katara, contona dina padika spektrum sumebar (spread spectrum) sarta pita ultra-rubak (ultra wide band) jeung COFDM. Anu pamungkas ieu dipaké pikeun pangiriman siaran televisi HDTV.

Tumbu kaluar[édit | sunting sumber]

Carrier Wave ti Texas University