Gunung Galunggung

Ti Wikipédia, énsiklopédia bébas basa Sunda
Luncat ka: pituduh, sungsi
Galunggung
Galunggung.jpg
Kilat nalika bituna Galunggung taun 1982
Jangkung 2,168 meter (7,113 suku)
Perenah Jawa, Indonesia
Koordinat 7°15′0″S, 108°3′0″E
Tipe Stratovolcano (aktip)
Panungtungan bitu 1982

Galunggung , Galoen-gong, atawa Gunung Galunggung nya éta salasahiji stratovolcano aktip di Jawa, Indonesia.

Bitu nu ngabahyakeun taun 1982[édit | sunting sumber]

Artikel utama: British Airways Panghiberan 9.

Bitu gede Galunggung pangpandeurina nyaeta taun 1982, nu kakuatannana 4 VEI sarta niwaskeun 68 urang. Bitu ieu nyababkeun kacilakaan panghiberan alatan lebu vulkanik nu geus narik perhatian dunya. Dua jet panumpang Boeing 747 nu hiber sabudeureun tempat bitu ngalaman karuksakan mesin saharita sarta ngaruksak pabeungeutan luarna, duanana kapaksa badarat sacara darurat di Jakarta.

Salasahijina, pesawat British Airways nu mawa 243 urang panumpang, teu ngahaja asup kana awan lebu nalika peuting bulan Juni 1982 150 km sabudeureun gunung. Sakabeh tina opat mesinna gagal sarta pesawat nyirorot salila 16 menit, turun 7500 meter tina luhurna hiber 11500 meter, tepikeun ka kru kudu maehan katut ngahurungkeun deui mesinna

Bulan satuluyna pesawat Singapore Airlines nu mawa 230 urang panumpang, asup oge kana awan lebu dina wanci peuting, tilu di antara opat mesinna pareum. Kru hasil ngahurungkeun deui mesin sanggeus nyirorot 2400 meter. Pesawat duanana oge ngalaman karuksakan nu pohara dina mesin sarta pabeungeutan luarna[1].

Gundukan longsoran[édit | sunting sumber]

Gundukan pasir nu katelah "Pasir Sapuluh Réwu" (The Ten Thousand Hills, TTTH) di Tasikmalaya geus narik perhatian ahli géologi dina mimiti abad ka-20. Imah-imah diwangun di luhureun pasir alatan hadena pertahanan tina serangan musuh atawa jalma teu bener, sarta di luhureun sawah bebas tina reungit katut beurit.

Asal muasalana, bisa jadi baheulana diwangun ku lahar balukar tina kaluarna cai tina situ kawah, atawa boa dijieun ku manusa; batu karang jeung batu gede nu kasusun loba di dinya sanggeus diberesihan keur sawah.

Nyorot kana bituna Gunung St. Helens taun 1980 sarta uji coba lapisan Gunung Shasta, geus jelas yen pasir-pasir mangrupakeun deposit longsoran nu rugrug. Siga pagunungan sejen, Galunggung boga kawah nu wangunna suku kuda nu jadi totonden ayana taneuh urug nu gede, sarta uji coba balok lava nu ancur nembongkeun yen siga deposit dina dua gunung seuneuan eta. Dumasar kana tanggal radiokarbon sampel nu dicokot tina aliran lava, taneuh urug eta kajadian dina jangkah 23,000 taun ieu.

Tempo oge[édit | sunting sumber]

Catetan jeung rujukan[édit | sunting sumber]

  1. (2000) Sigurdsson H. Encyclopedia of Volcanoes, Academic Press. ISBN 0-12-643140-X.

Tumbu luar[édit | sunting sumber]

Wikimedia Commons logo
Wikimedia Commons mibanda média séjénna nu patali jeung artikel ieu dina kaca