H. Hasan Mustapa

Ti Wikipédia, énsiklopédia bébas basa Sunda
Luncat ka: pituduh, sungsi

.

Kasang Tukang[édit | sunting sumber]

Haji Hasan Mustapa, réréana urang Sunda nyebutkeunana Panghulu Haji Hasan Mustapa (saterusna disingkat HHM), lahir di Cikajang Kabupatén Garut (Jawa Kulon) tanggal 3 Juni 1852 M., pas pisan nincak 14 Sya’ban (Rewah) 1268 H. Maot di Bandung, dina tanggal 13 Januari 1930 M., pas pisan jeung tanggal 12 Sya’ban 1348 dina umur 80 taun, atawa 78 taun dumasar itungan Kalénder Maséhi.

Ngaran Hasan Mustapa, paméré bapana jeung akina. Hasan ngaran anu dibikeun ku bapana, sarta Mustapa Ngaran anu dibikeun ku akina. Bapana ngaranna Mas Sastramanggala (Haji Usman) Camat kontrakan entéh Cikajang, Garut. Sarta, turunan Bupati Parakanmuncang, nyaéta Tumenggung Wiratanubaya. Sedengkeun indungna, ngaranna Nyi Mas Salpah (Emeh), putri Mas Kartapraja, Camat Kontrakan entéh Cikajang, jeung masih turunan Dalem Sunan Pagerjaya ti Suci, Garut.

Ku kituna, dumasar silsilah, boh ti pihak bapa, boh indung, HHM téh turunan priyayi. Komo, nurutkeun silsilah Para Bupati Sukapura, HHM téh turunan ti para bupati Sukapura. Cindekna, HHM téh cicing dina dua jalur kahirupan, nyaéta ti talari kapriayian, jeung talari pasantrén. Tapi, talari pasantrén di kulawarga HHM kacida kuatna, nepi ka kolotna ngalakonan nadzar sarta puasa sunah senén kemis turta ngalaksanakeun tirakat salila lima taun, teu eureun-eureun.

kasang Tukang Kulawarga[édit | sunting sumber]

Rujukan[édit | sunting sumber]

  1. Ajip Rosidi, Haji Hasan Mustapa Jeung Karya-karyana, Pustaka Jaya;
  2. Naskah Karya Haji Hasan Mustapa, Hasil Panalungtikan Ajip Rosidi saparakanca
  3. Dr Nina H/Lubis, Kehidupan Kaum Menak Priangan 1800-1942
  4. Ajip Rosidi, Ensiklopedia Sunda, Alam Manusia dan Budaya Termasuk Budaya Cirebon dan Betawi.
  5. Ahmad Gibson Al- Bustomi,