Habiburrahman El Shirazy

Ti Wikipédia Sunda, énsiklopédi bébas
Gambar:Habiburrahman el-Shirazy.jpg
Habiburrahman el-Shirazy

Habiburrahman el-Shirazy lahir di Semarang, Jawa Tengah, Kemis, 30 September 1976 [1] Manéhna nyaéta sarjana Al Azhar University Cairo.[2] Manéhna pengasuh utama pasantrén Karya Dan Wirausaha Basmala Indonesia, anu aya di Semarang, Jawa Tengah.[2] Manéhna dipikawanoh sacara nasional minangka dai, novelis,dan penyair.[2]

Riwayat[édit | édit sumber]

Dimimitian atikan di MTS Futuhiyyah 1 Mranggen bari diajar kitab konéng di Pondok Pasantrén Al Anwar, Mranggen, Demak asuhan KH. Abdul Bashir Hamzah.[1] Dina taun 1992 manéhna merantau ka kota budaya Surakarta pikeun diajar di Madrasah Aliyah Program Khusus (MAPK) Surakarta, lulus di taun 1995.[1] Sanggeus éta nuluykeun ka Fakultas Ushuluddin, Jurusan Hadist Universitas Al-azhar, Kairo sarta réngsé taun 1999.[1] Taun 2001 manéhna lulus Postgraduate Diploma (Pg.D) S2 di The Institute for Islamic Studies di Kairo anu diadegkeun ku Imam Al-baiquri.[1]

Prestasi[édit | édit sumber]

Kang Abik, cenah sebutan novelis ieu téh, nalika di SLTA kungsi nulis téatrikal puisi dijudulan Dzikir Dajjal sakaligus nyutradaraan pintonana babarengan Teater Mbambung di Gedung Seni Wayang Orang Sriwedari Surakarta (1994).[1] Kungsi jadi juara kadua pasanggiri nulis artikel sa MAN I Surakarta (1994).[1] Kungsi jadi pinunjul kahiji dina pasanggiri baca puisi relijius tingkat SLTA sa Jawa Tengah (diayakeun ku panitia Book Fair’94 jeung ICMI Orwil [[Jawa Tengah di Semarang, 1994).[1] Pinunjul kahiji pasanggiri biantara tingkat rumaja sa-eks Keresidenan Surakarta (diayakeun ku Jamaah Masjid Nurul Huda, UNS Surakarta, 1994).[1] Manéhna ogé pinunjul kahiji pasanggiri biantara basa Arab sa Jawa Tengah jeung DIY anu diayakeun ku UMS Surakarta (1994).[1] Ngahontal juara kahiji pasanggiri baca puisi Arab tingkat Nasional anu diayakeun ku IMABA UGM Jogjakarta (1994).[1] Kungsi siaran di radio JPI Surakarta salila sataun (1994-1995) ngeusi acara Syharil Quran tiap Jumaah isuk.[1] Kungsi jadi pinunjul pangalusna kalima dina pasanggiri KIR tingkat SLTA sa Jawa Tengah anu diayakeun ku Kanwil P Dan K Jawa Tengah (1995) nu judulna Analisis Dampak Film Laga Terhadap Kepribadian Remaja.[1]

Prestasi Sejénna:

1. Pena Award 2005 [2]

2. The Most Favorite Book and Writer 2005 [2]

3. IBF Award 2006 [2]

Karyana[édit | édit sumber]

1. Ayat Ayat Cinta (2004) [2]

2. Pudarnya Pesona Cleopatra (2004) [2]

3. Di Atas Sajadah Cinta (2004) [2]

4. Ketika Cinta Berbuah Surga (2005) [2]

5. Dalam Mihrab Cinta (2007) [2]

6. Gadis Kota Jerash (2009) [2]




Rujukan[édit | édit sumber]

  1. a b c d e f g h i j k l m Riwayat Archived 2012-04-22 di Wayback Machine (Diakses tanggal 12 November 2011)
  2. a b c d e f g h i j k l Biografi (Diakses tanggal 12 November 2011)