Hampelas

Ti Wikipédia Sunda, énsiklopédi bébas
Tangkal hampelas
Daun hampelas
Klasifikasi ilmiah
Karajaan:
Divisi:
Kelas:
Ordo:
Kulawarga:
Génus:
Spésiés:
F. ampelas
Ngaran binomial
Ficus ampelas

Hampelas; ficus ampelas nyaéta hiji tuwuhan ti genus Ficus, kulawarga Moracéae, anu jangkungna nepi ka 20 méter, tumuwuh di sakuliah Indonésia, sumebar dina padataran nu luhurna kurang ti 1.300 m luhureun beungeut laut.[1]

Hampelas tangkalna bunder, tumuwuh ajeg sarta miboga dahan anu simpodial. Daunna tunggal, sulang-seling, lonjong, sarta sisina rérégéan. Tonggong daun hampelas téksturna kasar sarta lamun garing bisa dipaké ngagosok-gosok (ngahampelas) kai supaya lemes. Kembangna miboga panjang 5–7 mm, warna héjo semu cokelat, sarta bentuk kongkolak kembangna jiga corong. Sedengkeun sikina boga bentuk buleud sarta warnana bodas.[2]

Hampelas aya anu dibudidayakan alatan kaguna daunna pikeun ubar, aya ogé anu tumuwuh ku sorangan.

Cacai ti tuwuhan ieu bisa diinum, kapaké pikeun ngubaran jelema anu hésé ngaluarkeun cikiih sarta minangka ubar nyeri beuteung. Hampelas ngandung cacai nu warnana cokelat semu konéng sarta rasana lada. Cacai ieu bisa dibeunangkeun ku cara motong akar sarta caina diwadahan dina wadah leutik.

Kandungan kimia[édit | édit sumber]

Daun, akar sarta tangkal hampelas ngandung saponin, flavonoida sarta polifenol.

Ngaran tempat[édit | édit sumber]

Urang Sunda mindeng méré ngaran patempatan ku ngaran tuwuhan. Salah sahiji tempat anu dingaranan ku ngaran tuwuhan hampelas nyaéta:


Dicutat tina[édit | édit sumber]

  1. Karl Hasskarl, Justus (1845). Aanteekeningen over het nut, door de bewoners van Java aan eenige planten van dat eiland toegeschreven. Universitas Oxford: J. Müller. p. 2. Diakses tanggal (disungsi – 21 Mei 2021). 
  2. Heyne, K. (1913). De nuttige planten van Nederlandsch-Indië, tevens synthetische catalogus der verzamelingen van het Museum voor Technische- en Handelsbotanie te Buitenzorg. Museum voor Economische Botanie (Bogor, Indonesia): Batavia, Ruygrok. p. 61.  Disungsi3 Agustus 2023



Tutumbu ka luar[édit | édit sumber]

[1][tumbu nonaktif]