Heulang Ruyuk

Ti Wikipédia, énsiklopédia bébas
Luncat ka: pituduh, sungsi
Heulang Ruyuk
Status konservasi
Klasifikasi ilmiah
Kingdom: Animalia
Phylum: Chordata
Class: Aves
Order: Accipitriformes
Family: Accipitridae
Genus: Spilornis
Species: S. cheela
Ngaran binomial
Spilornis cheela
(Latham, 1790)

Heulang Ruyuk (Spilornis cheela) mangrupakeun manuk pamangsa, bangsa heulang anggota kulawarga Accipitridae.

Heulang Ruyuk hirup di wewengkon Asia kidul, ti India jeung Sri Langka nepi ka Cina kidul, Asia tenggara, jeung Indonésia. Ieu heulang kaasup manuk leuweung nu nyayang dina tatangkalan deukeut aliran cai, sarta ngendog sakali dina samangsa.

Heulang Ruyuk ukuranana sedeng, panjangna kira 55-75 cm. Mun geus sawawa/kolot, bulu huluna coklat, bulu beuteung jeung handapeun jangjangna coklat pias. Nu jalu jeung nu bikang katémbongna sarua baé, nu bisa dibédakeun téh ukur antara nu ngora jeung nu kolot: nu ngora mah bulu hulu, beuteung, jeung handapeun jangjangna bodas, sedengkeun mun geus kolot mah warnana beuki moékan.

Heulang Ruyuk, luyu jeung ngaranna dina basa Inggris jeung ilmiahna, ukur ngahakan réptil, nyaéta oray jeung kadal.

Rujukan[édit | sunting sumber]

Nulis.jpg