Histogram

Ti Wikipédia Sunda, énsiklopédi bébas

Dina statistik, histogram nyaéta tampilan grafis tina tabulasi frékuénsi. Dina hal ieu, histogram nyaéta versi grafis tina tabel nu nembongkeun babandingan kasus kana sababaraha atawa lobana kategori husus. Kategori ieu ilahar mangrupa hal nu husus saperti taya interval nu tumpang tindih dina sababaraha variabel.

Aya dua cara keur nembongkeun tabel nu sarua, sarta dua rupa histogram saperti ditembongkeun di handap ieu. Hiji nemobongkeun jumlah kasus per satuan interval, mangka legana wewengkon di handapeun kurva sarua jeung jumlah sakabéh kasus. Nu séjénna nembongkeun jumlah kasus per satuan interval dibagi ku total jumlah kasus, mangka legana wewengkon di handapeun kurva sarua jeung 1.

Dina conto ieu, data nu dipaké dikumpulkeun ku Biro Sensus Amérika, nyaéta data waktu nu diperlukeun keur indit gawe (sensus 2000, [1], Table 5). Sensus nyatet yén aya 124 juta urang digawe di luar imahna. Nu di sensus nyebutkeun sabaraha lila waktu nu diperlukeun nepi ka tempat gawe, hasilna dibagi kana lima bagéan nyaéta: kurang ti 5 menit, leuwih ti 5 menit kurang ti sapuluh menit, leuwih ti sapuluh menit kurang ti 15 menit jeung saterusna. Tabel di handap nembongkeun hasil sensus dina rebuan, upamana 4.180 hartina 4.180.000.

Interval Lebar Lobana dina interval (Lobana dina interval)/lebar
0 5 4,180 836
5 5 13,687 2,737
10 5 18,618 3,723
15 5 19,634 3,926
20 5 17,981 3,596
25 5 7,190 1,438
30 5 16,369 3,273
35 5 3,212 642
40 5 4,122 824
45 15 9,200 613
60 30 6,461 215
90 60 3,435 57

Data nu aya dina tabel di luhur digambarkeun sacara grafik dina gambar di handap ieu. Aréa unggal "bar" sarua jeung sakabéh nu di sensus dina éta kategori, mangka sakabéh legana "bar" sarua jeung jumlah nu disurvey (124) juta.

Aya nu matak kataji dina éta diagram nyaéta naekna sacara ngadadak dina kategori 30 nepi ka 35 menit. Bentukna saperti artefak: satengah jam mangrupa waktu ukuran ilahar, mangka nu disensus ngarepkeun waktu indit gawena kurang ti atawa leuwih leutik ti 30 menit, bisa ogé méré jawaban ampir "30 menit".

Histogram waktu indit gawe, sensus 2000 Amérika. Legana sahandapeun kurva sarua jeung lobana kasus.

Ayeuna data nu sarua digambarkeun ku cara nu béda. Aréa unggal bar sarua jeung babandingan nu disurvey tina nu sakabéh disurvey aya dina kategori ieu. Mangka total legana "bar" sarua jeung 1.

Interval Width No. in interval (No. in interval)/(total no.)/width
0 5 4,180 0.0067
5 5 13,687 0.0220
10 5 18,618 0.0300
15 5 19,634 0.0316
20 5 17,981 0.0289
25 5 7,190 0.0115
30 5 16,369 0.0263
35 5 3,212 0.0051
40 5 4,122 0.0066
45 15 9,200 0.0049
60 30 6,461 0.0017
90 60 3,435 0.0004

Tabel di luhur digambarkeun sacara grafis dina gambar di handap. Gambar kadua béda jeung gambar mimiti ngan dina skala nangtung. Gambar ieu bisa dipaké gumantung kana kaperluan histogram; lamun jumlah absolut penting, mangka bentuk mimiti leuwih hadé dipaké, sarta bentuk kadua leuwih hadé dipaké lamun babandingan leuwih penting.

Histogram waktu indit gawe, sensus 2000. Legana handapeun kurva sarua jeung 1.

Tumbu kaluar[édit | édit sumber]