Inuman
Ti Wikipédia, énsiklopédia bébas basa Sunda
Inuman ilaharna nujul kana sagala rupa cairan nu diteleg. Kecap ieu kadang-kadang dipake keur harti nu leuwih heureut, keur inuman nu ngandung alkohol.
Daptar eusi |
[édit] Jenis cai inuman
[édit] Cai herang
Ilaharna manusa ngonsumsi cai herang nu beresih, herang jeung steril minangka inuman utama keur dikonsumsi, tur ieu teh kacida hadena keur kasehatan. Cara-cara nyeterilkeun cai diantarana:
- Ozonisasi, nyaeta ngolah cai make ozon nu ilahar dilakukeun di pausahaan cai inuman dina kemasan nu skalana gede
- Make sinar ultra violét sakumaha nu dipake dina depot cai inuman eusi ulang
- Ditaheur, ilaharna di rumah tangga-rumah tangga di Indonésia
[édit] Cai warnaan
Lian ti cai herang, inuman oge loba rupana, boh keur acara resmi, istirahat, atawa acara santey di imah. Unggal wewengkon mibanda inuman has sewang-sewangan. Inuman nu ilahar disuguhkeun diantarana:
- Susu
- Jus
- Anggur (wine)
- Vodka
- Inuman tina kopi
- Coklat
- Cider
- Glühwein
- Inuman tina entéh
- Entéh rasaan (chai jsb.)
- Téh héjo
- És téh
- Téh
- Téh hérbal
[édit] Inuman has Indonesia
- Inuman panas
- Inuman tiis
[édit] Inuman tradisional Sunda
- Bajigur: nyaéta inuman anu rasana amis, dijieunna tina cipati dicampuran gula kawung jeung cangkaléng, diseungitan ku daun pandan, nyieunna digodogkeun.
- Bandrék: inuman nu rasana amis lada, dijieunna tina cai dicampuran gula kawung jeung jahé, nyieunna digodogkeun.
- Céndol: kadaharan sabangsa dawet, dijieunna tina aci kawung, jsté, digéréntél-géréntél, didaharna maké peueut dicipatian
- Cingcaw: kadaharan jiga ager héjo nu dijieun tina daun camcauh, didaharna maké sirop.
- Goyobod: sabangsa kadaharan tina tipung atawa aci jeung ager, didaharna jeung alpuket make sirop diésan.
- Lahang: cai amis tina leungeun kawung, kalapa jeung sabangsa palem lianna, sok diinum, atawa dijieun gula.
- Sakoteng: ngaran sarupa kadaharan tina aci sampeu sina pasagi sarta dipulas jiga siki dalima, ditinyuh ku gula jeung cipati panas ditambahan ku roti meunang ngeureutan sagedé-gedé dadu.
- Sirop: cai gula kentel dicampuran sari bungbuahan jsté., nu beunang dililakeun, diinumna ditambahan cai és jsté.
- Téh tubruk: inuman anu dijieun tina cai dicampur entéh, dina nyieunna entéh ditinyuh ku cai panas ngagolak, dicampur ku gula bodas.
