James Watt

Ti Wikipédia Sunda, énsiklopédi bébas

James Watt (1736-1819) nyaéta pamanggih sarta ahli mesin asal Skotlandia anu kasohor alatan nyiptakeun mesin uap.[1] Pamanggihanna ieu nyorong lumangsungna paéobahan industri manéhna ogé biasa nyieun parabot penting séjénna kawas mesin dwi gawé pakakas tampik tekenan sarta régulator sentrifugal.[1] Watt ogé nyiptakeun istilah daya kuda (horse power) nyaéta hijian daya gawé hiji mesin.[1] James Watt lahir di Greenock, Skotlandia. Bapana nyaéta saurang pedagang sarta pangusaha industri kapal di Greenock.[1] Watt diajar maca sarta nulis ti indungna, sajaba ti éta ogé diajar ngagunakeun rupa-rupa pakakas anu biasa dipaké bapana pikeun nyieun kapal sarta imah.[1] Sanggeus asup SD, Watt diajar basa latin, Yunani, sarta matématika. Dina umur 19 taun, Watt indit ka London pikeun diajar nyieun pakakas-pakakas matématika kawas kompas, kuadran sarta timbangan. Sanggeus éta, Watt balik ka Glassgou sarta ngadegkeun pausahaan leutik anu mroduksi pakakas-pakakas matématika pikeun para mahasiswa di Glassow. Dina taun 1769, manéhna junun maténkeun panambahan rohang nu kapisah anu leuwih kuat.[2] Sajaba ti éta manéhna ogé junun nyieun isolasi pemisah pikeun nyegah ngalengitna panas dina silinder saab.[2] Tuluy dina taun 1782 manéhna manggihan mesin dobel.[2] Sawatara pamanggihan ti Watt beuki ngagampangkeun gawé mesin saab.[2] Dina taun 1781, Watt nyieun sapakakas gerigi pikeun ngarobah unggut balik mesin ku kituna jadi muter. Dina taun 1788 Watt nyieun pangontrol gaya gerak ngalingker otomatis anu ngabalukarkeun gancangna mesin bisa sacara otomatis diawas.[2] Watt ogé nyieun pakakas nu ngitung kagancangan, pakakas pangukur tekenan, pakakas pituduh, sarta pakakas pengontrol saab. Mesin saab anu dirarancang ku Watt beuki praktis sarta éfisien. Paménta pamakéan mesin saab beuki banjir paménta sanggeus Watt manggihan pakakas-pakakas kasebut.[2]

Rujukan[édit | édit sumber]

  1. a b c d e Syukur, Abdul. dkk. 2005. Ensiklopedia Umum untuk Pelajar. PT Ichtiar Baru Van Hoeve.
  2. a b c d e f (id) [1] (Dicutat tanggal 01 November 2011)