Jay-Z

Ti Wikipédia Sunda, énsiklopédi bébas
Jay-Z nuju nyanyi

Jay-Z nyaéta salah sahiji penyanyi rap anu ngaran aslina Shawn Corey Carter. Jay-Z lahir di Brooklyn, New York, Amerika, ping 4 Desember 1969[1]. Lian ti penyanyi rap, Jay-Z dipikawanoh ogé minangka béntang film jeung pengusaha rékaman anu ngaranna Def Jam jeung Roc-A-Fella Records, di mana manéhna jadi pamingpin atawa Céo pausahaan éta[1]. Jay-Z gé kacatet minangka pamilik The 40/40 Club, anu mangrupa klub basket New Jersey Nets NBA[1]. Album munggaranana nyaéta Reasonable Doubt 1996,dituluykeun kana album séjénna anu di antarana nyaéta In My Lifetime, Vol. 1 1997, Streets Is Watching 1998 sarta album pamungkasna nyaéta Kingdom Come 2006[1].

Aya ogé film-film anu aya Jay-Z minangka salah sahiji pamaénna nyaéta STREETS IS WATCHING 1998, HARD KNOCK LIFE 2000, STATE PROPERTY 2002, PAPER SOLDIERS 2002, FADE TO BLACK 2004, jeung film anu nyaritakeun ngeunaan dirina sorangan nyaéta DIARY OF JAY-Z: WATER FOR LIFE 2006[1].

Nalika bulan Agustus taun 2010, Jay Z jeung Kanye West disebutkeun rék nyanyi duaan[1]. Hal ieu dirojong ku West anu nétélakeun yén aya lima lagu deui anu bakal nyusul lagu anu miboga judul Monster tina album Watch The Throne, nu mangrupa album duét manéhna jeung Jay-Z[1]. Ku ayana album ieu lir nyaritakeun yén Jay-Z masuh kénéh produktif dina dunya musik Rap jeung betah kénéh[1].

Beyonce Giselle Knowles nyaéta pamajikan Jay-Z anu ngamimitian papacangan taun 2002, tuluy nikah taun 2008 sacara rerencepan[2]. Ti mimiti bobogohan Beyonce jeung Jay-Z sapuk bakal ngarusiahkeun sagala rupa anu patali jeung hubungan maranéhna[2].Sanajan geus kawin ogé ayeuna tapi kasapukan éta angger dicekel pageuh[2].

Referensi[édit | édit sumber]

  1. a b c d e f g h Jay Z(diakses 23 November 2011)
  2. a b c Beyonce Rahasiakan Kehidupan Rumah Tangga(diakses 26 November 2011)